బాహుబలి కోసం నాలుగేళ్లు కాదు ఏడేళ్లైనా ఇచ్చేవాడిని : ప్రభాస్‌

బాహుబలి సినిమా కాదు. ఓ యజ్ఞం. ఇందుకోసం డైరక్టర్ నుంచి ఆఫీస్ బాయ్ వరకు ఎంతో శ్రద్ధతో పనిచేశారు. వారి శ్రమకు ఫలితమే ఈనాటి పేరు ప్రఖ్యాతలు. బాహుబలి బిగినింగ్ కి కొనసాగింపుగా వస్తున్న బాహుబలి కంక్లూజన్ ఈనెల 28 న రిలీజ్ కానుంది. ఈ సందర్భంగా ఆదివారం చెన్నై లో తమిళ వెర్షన్ ఆడియో వేడుకను వైభవంగా నిర్వహించారు. తమిళ నటుడు ధనుష్‌ ముఖ్య అతిథిగా పాల్గొన్న ఈ ఆడియో వేడుకలో ప్రభాస్ తన మాటలతో తమిళ ప్రజలను ఆకట్టుకున్నారు. ” ’బాహుబలి’ కోసం రాజమౌళి నాలుగేళ్లే కాదు.. ఏడేళ్లు కావాలన్నా మరో ఆలోచన లేకుండా ఇచ్చేవాడినని ప్రభాస్‌ అన్నారు.

“ఈ సినిమాకోసం శారీరకంగా బాగా కష్టపడాల్సి వచ్చేది. ముఖ్యంగా మొదటి పార్టులో యాక్షన్  కోసం ఎక్కువ కష్టపడ్డాను.’ అని చెప్పారు. తన నిమా కోసం మూడేళ్లపాటు వేచి ఉన్న అభిమానులకు కృతజ్ఞతలు తెలిపారు.  “ప్రభాస్‌ ఎంతో చిత్తశుద్ధి ఉన్న నటుడు , బాహుబలి పాత్రకు ప్రభాస్‌ను తప్ప వేరే ఎవరినీ ఊహించుకోలేము” అని దర్శకధీరుడు రాజమౌళి చెప్పారు.

Also, do SUBSCRIBE to our YouTube channel to get latest Tollywood updates.