‘మైత్రి’ పై ఐటీ అధికారుల నాన్ స్టాప్ దాడి… కీలక డాక్యుమెంట్లు స్వాధీనం!

‘మైత్రి మూవీ మేకర్స్‌’.. టాలీవుడ్ బడా నిర్మాణ సంస్థల్లో ఒకటి. టాలీవుడ్ స్టార్ హీరోలంతా ఈ బ్యానర్లో సినిమాలు చేస్తున్నారు.. చేయబోతున్నారు. చిరంజీవి, బాలకృష్ణ,పవన్ కళ్యాణ్, మహేష్ బాబు, ప్రభాస్, అల్లు అర్జున్ వంటి స్టార్ హీరోలతో పాటు కళ్యాణ్ రామ్, విజయ్ దేవరకొండ వంటి మిడ్ రేంజ్ హీరోలు కూడా ఈ బ్యానర్లో సినిమాలు చేస్తున్నారు. స్టార్ హీరోలకు ఈ సంస్థ వరుసగా అడ్వాన్స్ లు ఇవ్వడం కూడా ఎప్పుడూ హాట్ టాపిక్ అవుతుంటుంది.

బాలీవుడ్ స్టార్ హీరో సల్మాన్ ఖాన్, కోలీవుడ్ స్టార్ హీరో విజయ్ వంటి వారికి కూడా ఈ సంస్థ అడ్వాన్స్ లు ఇచ్చింది. 2023 సంక్రాంతికి ఈ బ్యానర్లో రూపొందిన ‘వీరసింహారెడ్డి’ ‘వాల్తేరు వీరయ్య’ వంటి బడా సినిమాలు రిలీజ్ కాబోతున్నాయి. సంక్రాంతి సీజన్లో ఒకే బ్యానర్ నుండి రెండు బడా సినిమాలు రావడం ఇదే మొదటిసారి. సంక్రాంతి టైంలో ఈ బ్యానర్లో రూపొందిన సినిమాలకు థియేటర్ల సమస్య ఏర్పడిందనే ఉద్దేశంతో భవిష్యత్తులో ఇలాంటి సమస్య తలెత్తకుండా డిస్ట్రిబ్యూషన్ రంగంలో కూడా అడుగుపెట్టింది.

ఈ మధ్యనే ఓ ఆఫీస్ కూడా ఓపెన్ చేసింది. బహుశా ఇందుకేనేమో.. ‘మైత్రి’ కార్యాలయాలపై ఐటీ దాడులు జరిగాయి. పది మంది ఐటీ టీం కలిసి ఉదయం నుండి ఏకదాటిగా సోదాలు కొనసాగిస్తూనే ఉన్నారు. ఐటీ అధికారులతో.. పాటు జీఎస్టీ అధికారులు కూడా సోదాలు నిర్వహిస్తున్నారు. ఆదాయ వ్యయాలపై ఐటీ ఎక్కువగా ఆరా తీస్తున్నట్టు తెలుస్తుంది. ఈ క్రమంలో వారు పలు కీలక డాక్యుమెంట్లను కూడా స్వాధీనం చేసుకున్నట్లు సమాచారం. ఈ అంశం పై మరిన్ని వివరాలు తెలియాల్సి ఉంది.

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!