దువ్వాడ జగన్నాథం చిత్రం కోసం వంట చేసిన అల్లు అర్జున్

ఇంట్లో తానెప్పుడూ వంట చేయలేదని, కనీసం గరిట కూడా పట్టలేదని అల్లు అర్జున్ చెప్పారు. ఆయన హరీష్‌ శంకర్‌ దర్శకత్వంలో హీరోగా నటించిన దువ్వాడ జగన్నాథమ్‌ జూన్‌ 23న విడుదలకానుంది. ఈ సందర్భంగా బన్నీ తో ఈరోజు మీడియాతో మాట్లాడారు. సినిమా విశేషాలను పంచుకున్నారు. “ఇప్పటి వరకూ కమర్షియల్‌ సినిమాలు చాలానే చేశాను. వాటితో పోలిస్తే డీజే విభిన్నంగా ఉంటుంది.” అని చెప్పారు. “బ్రాహ్మణ యువకుడు ఎలా ఉంటాడు, అతడి నడవడిక ఎలా ఉంటుంది? తదితర విషయాలపై కొంతమంది పండితుల దగ్గర 10 రోజుల పాటు శిక్షణ తీసుకున్నా. నాకు వంట చేయడం రాదు. ఈ సినిమాలో వంటగాడిగా నటించా.

ఇంట్లో ఎప్పుడూ గరిటె తిప్పింది లేదు. ఈ సినిమా కోసం వంట చేయడాన్ని బాగా పరిశీలించి, నటించా” అని అల్లు అర్జున్ వెల్లడించారు. శ్రీ వెంకటేశ్వర క్రియేషన్స్  పతాకంపై  భారీ బడ్జెట్ తో దిల్ రాజు నిర్మిస్తున్న ఈ ఫిల్మ్ లో బన్నీ సరసన ముకుంద ఫేమ్ పూజ హెగ్డే నటిస్తోంది. వీరిద్దరీ కెమిస్ట్రీ అదరహో అనిపిస్తాయని ట్రైలర్, సాంగ్ ప్రోమోలు చెప్పకనే చెబుతున్నాయి. ఈ శుక్రవారం డీజే హంగామా చేయనున్నాడు.

Also, do SUBSCRIBE to our YouTube channel to get latest Tollywood updates.