సూపర్ స్టార్ మహేష్ బాబు ప్రొఫిషనల్ లైఫ్ ని ,పర్సనల్ లైఫ్ ని చాలా బ్యాలన్స్ గా నడిపిస్తుంటారు. ఈ విషయంలో ఆయన అనేకమందికి ఆదర్శం. ప్రిన్స్ సినీ కెరీర్ విషయంలో పాటించే విధానానికి తాజాగా ఓ తమిళ హీరో ఫ్లాట్ అయ్యారు. “బెటర్ క్వాలిటీ అండ్ లెస్ క్వాన్టిటీ” .. అనే మహేష్ బాటలోనే తాను నడుస్తానని యువ నటుడు శివ కార్తికేయ చెప్పారు. ఇతను హీరోగా నటించిన చిత్రం రెమో కోలీవుడ్ లో మంచి విజయాన్ని సొంతం చేసుకుంది. ఆ మూవీని తెలుగులో దిల్ రాజు డబ్ చేసి అదే పేరుతో ఈ నెలలో విడుదల చేయనున్నారు. ఈ సందర్భంగా నిన్న (మంగళవారం) ఈ సినిమా ఆడియో రిలీజ్ కార్యక్రమం వైభవంగా జరిగింది.
అనంతరం హీరో శివ కార్తికేయ మీడియాతో మాట్లాడుతూ “నేను నెట్ లో సర్ఫింగ్ చేస్తుంటే సూపర్ స్టార్ మహేష్ బాబు ఫిలిం బయోగ్రఫీ వచ్చింది. పదిహేడేళ్లక్రితం ఆయన సినీ పరిశ్రమలో అడుగుపెట్టినా ఇప్పటి వరకు పాతిక చిత్రాలకంటే తక్కువగానే చేశారు. దీన్ని చూసి అర్ధం చేసుకున్న సంగతి ఏమిటంటే ప్రిన్స్ చాలా ఆలోచించి బెస్ట్ స్క్రిప్ట్ ని ఎంపిక చేసుకుంటారని. ఆ కథ మరింత మంచిగా రావడానికి కష్టపడతారని. నా సినీ కెరీర్ ను కూడా ఆయనలా ప్లాన్ చేసుకోవాలని భావిస్తున్నాను. ఇప్పటినుంచి బెటర్ క్వాలిటీ అండ్ లెస్ క్వాన్టిటీ అనే విషయాన్నీ దృష్టిలో పెట్టుకొని సినిమాలు అంగీకరిస్తాను” అని స్పష్టం చేశారు.
