బాలీవుడ్‌లో ఓ కొత్త సినిమా మొదలవుతోంది అంటే… డిస్ట్రిబ్యూటర్లు, ఎగ్జిబిటర్లు, థియేటర్ల జనాలు, ఫ్యాన్స్‌ ఎంత రెడీ అవుతారో తెలియదు కానీ… నెటిజన్లు ముఖ్యంగా ట్రోలర్లు ఇంకా ఎక్కువ రెడీ అవుతారు. ఏ పాయింట్‌ పట్టుకుందాం, ఏ విషయంలో విమర్శిద్దాం అని కోడి గుడ్డు మీద ఈకలు పీకినట్లు పీకుతుంటారు. ఇప్పుడు బాలీవుడ్‌లో మొదలైంది అంటున్న ఓ కొత్త సినిమా విషయంలోనూ ఇదే పరిస్థితి అంటున్నారు. బాలీవుడ్‌లో స్టార్ల వారసులు హీరో హీరోయిన్‌గా ఓ చిత్రం ముస్తాబవుతోంది.
సీనియర్‌ నటుడు సైఫ్‌ అలీ ఖాన్‌ కుమారుడు ఇబ్రహీం అలీఖాన్‌ హీరోగా… ‘అతిలోక సుందరి’ శ్రీదేవి రెండో కుమార్తె ఖుషీ కపూర్‌ హీరోయిన్‌గా ఓ సినిమా తెరకెక్కుతోంది. రొమాంటిక్‌ కామెడీ జోనర్‌లో తెరకెక్కనున్న ఈ సినిమాను ధర్మాటిక్‌ ఎంటర్‌టైన్‌మెంట్‌ సంస్థ నిర్మిస్తోంది. ఈ ప్రాజెక్టుకు సంబంధించిన ఓ ఫొటో ఇప్పుడు సోషల్‌ మీడియాలో వైరల్‌గా మారింది. మొదట్లో ఈ సినిమాకు ప్రముఖ దర్శక నిర్మాత (Karan Johar) కరణ్‌ జోహార్‌ దర్శకత్వం వహిస్తారని వార్తలు వచ్చాయి.
ఆ మేరకు కార్యక్రమాలు మొదలయ్యాయనే పుకార్లూ వచ్చాయి. అయితే ఇప్పుడు ఆయన ఈ సినిమాను కేవలం నిర్మిస్తున్నారట. ఆయన శిష్యురాలు శౌనా గౌతమ్ ఈ సినిమాను తెరకెక్కిస్తున్నారట. ఈ వార్తలకు బలం చేకూర్చేలా ఓ ఫొటోను కరణ్‌ జోహార్‌ ఆదివారం సోషల్‌ మీడియాలో షేర్‌ చేశారు. ‘‘శౌనా.. నీకు మా ప్రేమాశీస్సులు ఎల్లప్పుడూ ఉంటాయి. లెట్స్‌ గో. డే వన్‌’’ అని కరణ్‌ జోహార్‌ ఆ ఫొటోతో పాటు రాసుకొచ్చారు.
ఆ ఫొటోలో శౌనా క్లాప్‌బోర్డ్‌ పట్టుకొని ఉండటంతో ఈ సినిమా చిత్రీకరణ అధికారికంగా ప్రారంభం అయింది అంటున్నారు. దీంతో నెపోటిజం అనే మాట మళ్లీ వార్తల్లోకి వచ్చింది. ఇప్పటికే నెపో కిడ్స్‌ను సినిమాల్లోకి తీసుకురావడం కరణ్‌కు అలవాటుగా మారింది అని ఆయన మీద కామెంట్స్‌ వస్తుంటాయి. ఇప్పుడు మరో ఇద్దరు ఇలా వస్తుండటంతో మరోసారి ట్రోలర్లు రెడీ అవుతారు అంటున్నారు.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home