మహానటి సినిమాలో సమంత రోల్ పై భిన్న ఊహాగానాలు!

సావిత్రి. తెలుగు వారికి పరిచయం చేయనవసరం లేని పేరు. తెలుగు చిత్ర పరిశ్రమ ఉన్నంతవరకు మహానటి పేరు నిలిచిపోతుంది. ఆమె జీవితం ఆధారంగా ప్రస్తుతం సినిమా రూపుదిద్దుకోనుంది. ఎవడే సుబ్రహ్మణ్యం సినిమాతో దర్శకుడిగా పరిచయమైన నాగ్ అశ్విన్ సావిత్రి నిజ జీవిత కథను వెండితెరపై ఆవిష్కరించనున్నారు. “మహానటి” అనే టైటిల్ ఖరారు చేసిన ఈ మూవీ ప్రీ లుక్ ని మహిళా దినోత్సవం సందర్భంగా నిన్న విడుదల చేశారు. స్వప్న సినిమా సమర్పణలో. వైజయంతి మూవీస్ పతాకంపై నిర్మితమవుతున్న ఈ సినిమాలో కీర్తి సురేష్ సావిత్రి గా నటించనుంది. ఇందులో సమంత ఓ కీలక రోల్ పోషించనున్నట్లు సమాచారం. టాలీవుడ్, కోలీవుడ్ లో టాప్ హీరోయిన్స్ జాబితాలో ఉన్న స్యామ్ ఒప్పుకున్నా ఆ పాత్ర ఏమిటి? అని ఫిల్మ్ నగర్లో చర్చ జరుగుతోంది.

సావిత్రి సినిమాలో వచ్చినప్పటి నుంచి చివరి వరకు ఆమెతో ఓ మహిళా రిపోర్టర్ స్నేహంగా ఉండేవారని, ప్రతి విషయాన్నీ షేర్ చూసుకునేవారని, చెన్నై కి చెందిన ఆమె పాత్రనే సమంత పోషిస్తున్నట్లు సినీ పండితులు చెబుతున్నారు. కొంతమంది మాత్రం సావిత్రి హీరోయిన్ గా ఫామ్లో ఉన్నప్పుడు జమున కూడా  లీడ్ లో ఉండేవారు. వీరి మధ్య ఆరోగ్యకరమైన పోటీ నడిచిందని.. ఆ సీనియర్ నటిగా స్యామ్ నటించబోతున్నట్లు అంచనా వేస్తున్నారు. ఎవరి ఆలోచన కరెక్టో త్వరలోనే తెలియనుంది.

Also, do SUBSCRIBE to our YouTube channel to get latest Tollywood updates.