ధృవ సినిమా తర్వాత మెగా పవర్ స్టార్ రామ్ చరణ్ తేజ్, సుకుమార్ దర్శకత్వంలో సినిమా చేస్తున్నారు. జనవరి 30న లాంఛనంగా ప్రారంభమైన త్వరలో రెగ్యులర్ షూటింగ్ జరుపుకోనుంది. పక్కా గ్రామీణ నేపథ్యంలో సాగే ఈ కథలో చెర్రీ కూడా పల్లెటూరి కుర్రోడిగా కనిపించబోతున్నారు. రేపల్లె అని టైటిల్ ని పరిశీలిస్తున్న ఈ చిత్రంలో రెండు కీలపాత్రలు ఉన్నాయని తెలిసింది. ఆ పాత్రల్లో జగపతిబాబు, ఆది పినిశెట్టిలు నటించనున్నట్లు సమాచారం. సుకుమార్ దర్శకత్వంలో వచ్చిన నాన్నకు ప్రేమతో చిత్రంలో స్టైలిష్ విలన్ గా జగ్గూభాయ్ అదరగొట్టారు.
అతని నటనకు ఫిదా అయిన డైరక్టర్ చరణ్ కి కూడా విలన్ గా అతన్నే ఫిక్స్ చేసినట్లు చిత్ర బృందం వెల్లడించింది. ఇక ఆది పిన్ని శెట్టి, చరణ్ కి సోదరుడిగా కనిపించనున్నారని, అయితే అది నెగిటివ్వా, పాజిటివ్వా అనేది ఇంకా తెలియాల్సి ఉంది. మైత్రి మూవీ మేకర్స్ వారు నిర్మిస్తున్న ఈ సినిమాకి దేవీ శ్రీ ప్రసాద్ స్వరాలు అందించనున్నారు.
Also, do SUBSCRIBE to our YouTube channel to get latest Tollywood updates.
