కోలీవుడ్‌ సినిమాలో రీసెంట్‌ కాంట్రవర్శీ అంటే ‘ఇండియన్ 2’ అనే చెప్పాలి. కమల్ హాసన్ సినిమాలకు కాంట్రవర్శీ అనేది కామన్‌ అవ్వొచ్చు. అయితే ఈ సినిమా విషయంలో కాంట్రవర్శీ కథతోనే, పేర్లతోనో కాదు. సినిమా షూటింగ్‌ విషయంలోనే. చిత్రీకరణ విషయంలో జరిగిన కొన్ని పరిస్థితుల వల్ల సినిమా ఆలస్యమవుతూ వచ్చింది. ఆఖరికి సినిమా క్యాన్సిల్‌ అన్నారు, శంకర్ చేయడం లేదన్నారు, కమల్ హాసనే దర్శకత్వం వహిస్తారు అని కూడా అన్నారు. అయితే దీనిపై కమల్ హాసన్ క్లారిటీ ఇచ్చారు. ఈ మేరకు ఓ మీడియా సంస్థతో మాట్లాడారట.
కమల్ హాసన్, శంక‌ర్‌ల ‘భార‌తీయుడు’ ఎంతటి ఘనవిజయం సాధించిందో అందరికీ తెలిసిందే. అలాగే ఆ సినిమా భారతీయులపై చూపించిన ప్రభావం కూడా చాలా గొప్పది. అలాంటి సినిమాకు సీక్వెల్‌ అనేసరికి చాలా హైప్‌ వచ్చింది. ‘ఇండియన్ 2’ అంటూ ఘనంగా సినిమా చిత్రీకరణ మొద‌లెట్టారు. ఈలోగా సినిమా చిత్రీకరణ సమయంలో ప్రమాదం జరిగి కొంతమంది టీమ్‌ మృత్యువాత పడ్డారు. ఈ క్రమంలో నిర్మాత, దర్శకుడు శంకర్ మధ్య భేదాభ్రిప్రాయాలు వచ్చాయి. దీంతో సినిమా ఆగిపోయింది.
నిర్మాత, ద‌ర్శ‌కుడి మద్య కమల్ హాసన్ స‌యోధ్య కుద‌ర్చాల‌ని ప్ర‌య‌త్నించారు కానీ సాధ్యం కాలేదు. చివ‌రికి ఈ సినిమాకు కమల్ హాసనే దర్శకత్వం వ‌హిస్తార‌ని వార్తలొచ్చాయి. అయితే అదేం కాదని, ఈ సినిమా ఇంకా శంకర్ చేతిలోనే ఉందని చెప్పారట కమల్ హాసన్. త్వరలో ‘ఇండియన్ 2’ను శంకర్ టేక‌ప్ చేస్తారు. ప్ర‌స్తుతం వేరే ప్రాజెక్టుతో శంకర్ బిజీగా ఉన్నారు. అదవ్వగానే మా సినిమా మొదలవుతుంది అని కమల్ హాసన్ చెప్పారట.
దర్శకత్వం గురించి కూడా కమల్ మాట్లాడారు. నేను ఏడాదికి రెండు, మూడు సినిమాలు చేయాల‌ని అనుకుంటున్నారు. ఈ సమయంలో దర్శకత్వ బాధ్య‌తలు తీసుకుంటే నా ఆలోచన కుద‌ర‌దు. అందుకే దర్శకత్వ బాధ్య‌త ఇత‌రుల‌కు అప్ప‌గిస్తున్నాను అని చెప్పారు కమల్. ఈ లెక్కన రామ్‌ చ‌ర‌ణ్ సినిమా అవ్వ‌గానే ‘ఇండియన్ 2’ మొదలవుతుంది. ఈలోపు కమల్ వేరే సినిమా చేసుకుంటారన్నమాట.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home