Dhanush: ‘లీడర్‌ 2’ కచ్చితంగా వస్తుందంటున్న శేఖర్ కమ్ముల!

September 21, 2021 / 02:01 PM ISTByFilmy Focus

Join Us

Dhanush: ‘లీడర్‌ 2’ కచ్చితంగా వస్తుందంటున్న శేఖర్ కమ్ముల!

శేఖర్‌ కమ్ముల అంటే సెన్సిబుల్‌ లవ్‌స్టోరీస్, యూత్‌ ఫుల్‌ ప్రేమకథలు అనుకుంటుంటారు. అయితే ‘లీడర్‌’ లాంటి సినిమా కూడా తీసి మెప్పించారు. ఇప్పుడు మరోసారి తన ప్రేమకథల చట్రం నుండి బయటికొచ్చి ఓ సినిమా చేయబోతున్నారు. అందులోనూ పాన్‌ ఇండియా స్థాయిలోనట. అదే ధనుష్‌ సినిమా. ఇటీవల ఈ కాంబినేషన్‌లో సినిమా ప్రకటించిన విషయం తెలిసిందే. దీనికి సంబంధించి శేఖర్‌ కమ్ముల ఇటీవల ఆసక్తికర విషయం చెప్పుకొచ్చారు. ‘లవ్‌స్టోరీ’ సినిమా అంతా సిద్ధం చేసి…

ప్రస్తుతం ప్రచారం పనిలో ఉన్నారు శేఖర్‌ కమ్ముల. అంతేకాదు తర్వాత చేయబోయే సినిమాకు సంబంధించిన పనులు కూడా చూసుకుంటున్నారట. ఈ సినిమాకు సంబంధించి ఇప్పటికే బేసిక్‌ కథ కూడా సిద్ధమైందట. విభిన్నమైన థ్రిల్లర్‌ జానర్‌లో ఈ సినిమా రూపొందించబోతున్నారట. వచ్చే ఏడాది ప్రారంభంలో ఈ సినిమా చిత్రీకరణ మొదలవుతుందట. ముందుగా చెప్పుకున్నట్లు శేఖర్‌ కమ్ముల సినిమాల జాబితాలో ‘లీడర్‌’ లాంటి విభిన్నమైన సినిమా కూడా ఉంది. దానికి సీక్వెల్‌ వస్తుందని చాలా రోజుల నుండి వార్తలొస్తున్నాయి.

అయితే స్పష్టమైన సమాచారం మాత్రం ఇప్పుడొచ్చింవది. అయితే సినిమా ఎప్పుడు, ఎలా అనేది చెప్పకపోయినా ‘లీడర్‌’కి సీక్వెల్‌ చేయాలన్న ఆలోచన ఉందని మాత్రం శేఖర్‌ కమ్ముల చెప్పారు. అలాగని తొలి భాగానికి కొనసాగింపులా ఉండదట. ఈసారి మరో కొత్త కథ చెప్తారట. రానాతో పాటు తొలి భాగంలో ఉన్న కీలకమైన పాత్రలతోనే సీక్వెల్‌ రూపొందిస్తా అని శేఖర్‌ కమ్ముల చెప్పారు. అయితే ఎప్పుడు సినిమా ఉంటుంది అనేది మాత్రం చెప్పలేదు.