స్టార్ హీరో మహేష్ బాబు బాలనటుడిగా కృష్ణ హీరోగా తెరకెక్కిన చాలా సినిమాల్లో నటించిన సంగతి తెలిసిందే. ఆ సినిమాలలో ఎక్కువ సినిమాలు విజయం సాధించడంతో పాటు మహేష్ కు బాలనటుడిగా మంచి పేరు తెచ్చిపెట్టాయి. మొదట సినిమాల్లో నటించడానికి మహేష్ మారాం చేసినా ఆ తర్వాత నటనపై ఆసక్తితో వరుసగా సినిమాల్లో నటించారు. బాలనటుడిగా వచ్చిన అనుభవం వల్లే నటుడిగా మహేష్ కెరీర్ విషయంలో సులువుగా సక్సెస్ సాధిస్తున్నారు.
శంఖారావం అనే సినిమాలో ఒక రిస్కీ సీన్ కొరకు డూప్ ను పెట్టాలని ఫైట్ మాస్టర్ భావించగా మహేష్ మాత్రం పై నుంచి కిందకు దూకే సీన్ ను తానే చేస్తానని చెప్పి ఎనిమిదేళ్ల వయస్సులోనే రిస్కీ షాట్ ను పూర్తి చేశారు. కొడుకు దిద్దిన కాపురం సినిమాలో కూడా మోటార్ బైక్ సీన్ లో మహేష్ బాబు డూప్ లేకుండా నటించడం గమనార్హం. తండ్రి కృష్ణకు తెలిస్తే తిడతారని భావించిన మహేష్ తండ్రి లంచ్ కు వెళ్లిన సమయంలో ఆ సీన్ ను పూర్తి చేశారు.
శరత్ కుమార్ విలన్ గా నటించిన బాలచంద్రుడు సినిమాలో సైతం మహేష్ బాబు డూప్ లేకుండా నటించారు. చిన్న వయస్సులోనే ఎన్నో రిస్కీ షాట్స్ చేసిన మహేష్ బాబు పెద్దైన తర్వాత కూడా రిస్కీ షాట్స్ చేస్తున్నారు. ప్రస్తుతం మహేష్ సర్కారు వారి పాట సినిమాతో పాటు త్రివిక్రమ్ డైరెక్షన్ లో ఒక సినిమాలో నటిస్తున్నారు. రాజమౌళి మహేష్ కాంబోలో ఒక సినిమా తెరకెక్కనుండగా ఆ సినిమాకు సంబంధించిన ప్రకటన రావాల్సి ఉంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home