దర్శక ధీరుడు రాజమౌళి ప్రతిష్టాత్మకంగా తెరకెక్కిస్తున్న ‘ఆర్ఆర్ఆర్’. ఈ సినిమా షూటింగ్ శరవేగంగా జరుగుతుంది. యంగ్ టైగర్ ఎన్టీఆర్ , మెగాపవర్ స్టార్ రామ్ చరణ్ కలిసి నటిస్తున్న ఈ సినిమా పై అభిమానుల్లో భారీ అంచనాలు ఉన్నాయి. ఈ సినిమాలో మన్యం వీరుడు అల్లూరి సీతారామరాజు గా రామ్ చరణ్, గిరిజన వీరుడు కొమరం భీమ్ గా ఎన్టీఆర్ నటిస్తున్నారు. ఇటీవల ఈ సినిమా యూనిట్ 55 రోజుల భారీ షెడ్యూల్ ని హైదరాబాద్ రామోజీ ఫిలిం సిటీలో పూర్తి చేసింది. ఈ షెడ్యూల్ లో హీరోలు ఎన్టీఆర్, రామ్ చరణ్ తో పాటు ఫైటర్లు, జూనియర్ ఆర్టిస్ట్ లు పాల్గొన్నారు.
ఈ 55 రోజుల షెడ్యూల్ లో భారీ పోరాట సన్నివేశాలను రాజమౌళి చిత్రీకరించారు. అయితే ఇప్పుడు షెడ్యూల్ కి సంబంధించిన ఒక విషయం హాట్ టాపిక్ గా మారింది. రాజమౌళి రాత్రింబవళ్లు 55 రోజుల పాటు కష్టపడింది కేవలం 8 నిమిషాల ఫైట్ సీన్ కోసమని అంటున్నారు. తన సినిమాల పెర్ఫెక్షన్ విషయంలో రాజమౌళి అసలు రాజీపడరు. అందుకే ఆయన సినిమాలు అనుకున్న సమయానికి విడుదల కావు. ఆలస్యమైనప్పటికీ ప్రేక్షకులను మాత్రం బాగా ఎంటర్టైన్ చేస్తాయి.
ఇప్పుడు ‘ఆర్ఆర్ఆర్’లో ఫియట్ సీన్ కూడా అలానే ఉంటుందట. ఈ ఎనిమిది నిమిషాల ఫైట్ సీన్ సినిమాకి చాలా కీలకమని.. అందుకే రాజమౌళి అన్ని రోజులపాటు చిత్రీకరించాల్సి వచ్చిందని సమాచారం. క్లైమాక్స్ లో వచ్చే ఈ ఫైట్ సీన్ సినిమాకి హైలైట్ గా నిలుస్తుందని చెబుతున్నారు. ప్రస్తుతం రాజమౌళి మరో షెడ్యూల్ ని మొదలుపెట్టారు. ఇందులో అలియాభట్ కూడా పాల్గొంది.
Most Recommended Video
