పవన్, త్రివిక్రమ్ మూవీకి విలక్షణమైన పేరు

డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న సినిమా షూటింగ్ వేగంగా జరుగుతోంది. రామోజీ ఫిలిం సిటీలో వేసిన భారీ సెట్ లో హీరో పవన్, హీరోయిన్లు అను ఇమ్మానియేల్ , కీర్తి సురేష్ లపై రొమాంటిక్ సన్నివేశాలను షూట్ చేస్తున్నారు. ఈ నెల 28  వరకు జరిగే ఈ షెడ్యూల్ ల్లో కుష్బూ కూడా జాయిన్ అయ్యారు. ఈమె ఇందులో కీలక రోల్ పోషిస్తోంది. పవన్ సాఫ్ట్ వేర్ ఇంజినీర్ గా నటిస్తున్న ఈ మూవీకి “దేవుడే దిగి వచ్చినా..” అనే టైటిల్ పరిశీలిస్తున్నట్లు కొన్ని రోజులుగా వార్తలు వస్తున్నాయి. తాజాగా  పవన్ 25 చిత్రానికి ‘పరదేశ ప్రయాణం’ అనే పేరు పెట్టినట్లు తెలిసింది.

ఈ మధ్య వరుసగా తెలుగు పేర్లను పెడుతున్న త్రివిక్రమ్ .. పవన్ మూవీకి కూడా తెలుగులోనే పేరు ఖరారు చేసినట్లు ఫిలిం నగర్ వాసులు చెప్పుకుంటున్నారు. అత్తారింటికి దారేది మూవీలో లండన్ నుంచి ఇండియాకి వస్తే.. ఇందులో ఇండియా నుంచి పరదేశానికి పవన్ పయనం కానున్నట్లు సమాచారం. ఈ టైటిల్ పై చిత్ర బృందం ఎటువంటి ప్రకటన చేయలేదు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీని దసరాకి రిలీజ్ చేసే ఆలోచనలో త్రివిక్రమ్ ఉన్నారు.

Also, do SUBSCRIBE to our YouTube channel to get latest Tollywood updates.