Irumudi: ‘మన శంకర వరప్రసాద్ గారు’ రికార్డుని బ్రేక్ చేసిన ‘ఇరుముడి’

మాస్ మహారాజ్ రవితేజ నటించిన ‘ఇరుముడి'(Irumudi) సినిమా ఈ ఆగస్టు 21న రిలీజ్ అయ్యింది. మొదటి షోతోనే సూపర్ హిట్ టాక్ తెచ్చుకుంది. ఈ సినిమా రిలీజ్ కి ముందు నుండీ ట్రేడ్ సర్కిల్స్ లో మంచి బజ్ క్రియేట్ చేసింది. అందుకు కారణం ఈ సినిమా అయ్యప్ప స్వామి బ్యాక్ డ్రాప్లో తెరకెక్కుతుంది అంటూ ప్రచారం జరగడం వల్ల. ఫస్ట్ లుక్ పోస్టర్లో రవితేజ అయ్యప్ప దీక్షలో ఉన్నట్టు రివీల్ చేశారు. టైటిల్ కూడా ‘ఇరుముడి’ కావడంతో.. ఓ డివైన్ టచ్ ఇచ్చినట్టు అయ్యింది.

Irumudi

దీంతో మొదటి నుండి అంచనాలు ఏర్పడ్డాయి. తర్వాత ‘ఇరుముడి’ టైటిల్ సాంగ్, ‘మల్లెపూల పల్లకి’ సాంగ్ వంటివి అంచనాలు రెట్టింపు అయ్యేలా చేశాయి. అందుకే ఇటీవల రవితేజ సినిమాలేవీ చేయని విధంగా అడ్వాన్స్ బుకింగ్స్ చేసింది. పాజిటివ్ టాక్ తెచ్చుకున్న తర్వాత.. ఆ బుకింగ్స్ మరింతగా పెరిగాయి. 2026 లో రిలీజ్ రోజున అత్యధిక టికెట్లు సేల్ అయిన సినిమాల లిస్టులో ‘మన శంకరవరప్రసాద్’ గారు ఆల్ టైమ్ రికార్డులు సృష్టించింది.

తాజాగా రిలీజ్ అయిన ‘ఇరుముడి’ సినిమా.. ‘మన శంకరవరప్రసాద్ గారు’ రికార్డ్స్ ను బ్రేక్ చేయడం విశేషంగా చెప్పుకోవాలి.బుక్ మై షో ట్రాకింగ్ వివరాల ప్రకారం.. చిరంజీవి ‘మన శంకర వరప్రసాద్ గారు’ చిత్రానికి రిలీజ్ రోజున గంటకు 31.6 వేల చొప్పున అడ్వాన్స్ బుకింగ్స్ జరిగాయి. ‘ఇరుముడి’ చిత్రానికి ఏకంగా 32.25 వేల టికెట్లు అడ్వాన్స్ బుకింగ్స్ లో బుక్ అయ్యాయి. దీంతో ‘ఇరుముడి’… రవితేజ కెరీర్లో హయ్యెస్ట్ ఓపెనింగ్స్ ను సొంతం చేసుకునే అవకాశం కనిపిస్తుంది.

‘స్పిరిట్‌’ నుండి దీపిక ఔట్‌ క్లారిటీ వచ్చింది.. ఆమె మాటా కరెక్టే కదా?