Akhil Akkineni : ‘లెనిన్’ సినిమా అనుకున్న టైంకి రిలీజ్ అవుతుందా ? కష్టమేనా ?

February 25, 2026 / 12:36 PM ISTByFilmy Focus Desk

Join Us

అక్కినేని కుటుంబంలో మూడోతరం వారసుడిగా ఇండస్ట్రీలోకి అడుగుపెట్టిన అఖిల్ అక్కినేని కెరీర్ ఇప్పటివరకు ఆశించిన స్థాయిలో ఫలితాలు రాకపోయినా, ఈసారి మాత్రం చాలా గ్యాప్ తీసుకుని మంచి కథతో ప్రేక్షకుల ముందుకు రావడానికి సిద్ధమవుతున్నాడు. ఆ ప్రయత్నమే ‘లెనిన్’ మూవీ. అబ్బూరి మురళీ కిశోర్ దర్శకత్వంలో రూపొందుతున్న ఈ చిత్రాన్ని అన్నపూర్ణ స్టూడియోస్ మరియు సితార ఎంటర్టైన్మెంట్స్ సంయుక్తంగా నిర్మిస్తున్నాయి. ఇప్పటికే షూటింగ్ చివరి దశకు చేరుకున్నప్పటికీ, ఇంకా సుమారు 25 రోజుల పని మిగిలి ఉందనే టాక్ వినిపిస్తోంది. ముఖ్యంగా క్లైమాక్స్‌కు సంబంధించిన భారీ యాక్షన్ సీక్వెన్స్‌తో పాటు రెండు పాటలు చిత్రీకరించాల్సి ఉందట.

Akhil Akkineni

మొదట ఏప్రిల్‌లో రిలీజ్ అనుకున్నా, ఇతర భారీ షెడ్యూల్స్ కారణంగా విడుదల తేదీ మారే అవకాశం ఉందన్న వార్తలు సోషల్ మీడియాలో హల్‌చల్ చేస్తున్నాయి. అఖిల్ పుట్టినరోజు సందర్భంగా ఏప్రిల్ 8న అధికారిక అప్డేట్ వచ్చే ఛాన్స్ ఉందని ఫ్యాన్స్ ఆశిస్తున్నారు. ఏప్రిల్ 30 లేదా మే మొదటి వారంలో రిలీజ్ కు మేకర్స్ ప్లాన్ చేయగా, మెగా పవర్ స్టార్ ‘పెద్ది’ ఏప్రిల్ 30 కి షిఫ్ట్ అవ్వటం కూడా ‘లెనిన్’ మూవీ రిలీజ్ ని ఇబ్బందుల్లోకి నెట్టినట్టు తెలుస్తోంది.

రాయలసీమ నేపథ్యంతో రూపొందుతున్న ఈ రూరల్ లవ్ అండ్ యాక్షన్ డ్రామాలో అఖిల్ పూర్తిగా కొత్త లుక్‌లో కనిపించనున్నాడు. హీరోయిన్‌గా భాగ్యశ్రీ బోర్సే నటిస్తుండగా, శివాజీ, రాంకీ కీలక పాత్రలు పోషిస్తున్నారు. అక్కినేని నాగార్జున మరియు సూర్యదేవర నాగవంశీ నిర్మాతలుగా వ్యవహరిస్తున్న ఈ చిత్రానికి థమన్ సంగీతం అందిస్తున్నాడు. ఇప్పటివరకు వచ్చిన ప్రతి అప్డేట్ సినిమాపై అంచనాలను పెంచుతుండగా, సరైన బ్రేక్ కోసం ఎదురు చూస్తున్న అఖిల్ కి ‘లెనిన్’ బ్రేక్ ఇచ్చే హిట్ అవుతుందా? అనేది తెలియాలి అంటే మరిన్ని రోజులు ఆగాల్సిందే.