Anupama Parameswaran : తన రిలేషన్షిప్ ని కన్ఫర్మ్ చేసిన అనుపమ..?

టాలీవుడ్‌లో ‘కేరళ కుట్టి’గా ఎంట్రీ ఇచ్చినా కూడా తన గ్లామర్ తో తెలుగులో అభిమానుల మనసులను కొల్లగొట్టిన ముద్దుగుమ్మ అనుపమ పరమేశ్వరన్. తాజాగా తన వ్యక్తిగత జీవితం కారణంగా వార్తల్లో నిలుస్తోంది. అనుపమ కోలీవుడ్ యంగ్ హీరోతో ప్రేమలో ఉందా? అంటే అవుననే సంకేతాలు కనిపిస్తున్నాయని టాలీవుడ్, కోలీవుడ్ వర్గాల్లో చర్చ నడుస్తోంది. ఇంతకీ ఎవరు ఆ యంగ్ హీరో చూద్దాం రండి.

Anupama Parameswaran

ఆయన ఎవరో కాదు.. విలక్షణ నటుడు హీరో చియాన్ విక్రమ్ తనయుడు ‘ధృవ్’. వీరు ఇద్దరూ ఇటీవల షేర్ చేసిన కొన్ని ఫోటోలు, హార్ట్ ఎమోజీల రియాక్షన్స్ ఫ్యాన్స్‌కి కొత్త అనుమానాలకు తావిచ్చాయి. ముంబైలో జరిగిన ఓ ప్రైవేట్ అవార్డ్స్ ఈవెంట్ తర్వాత ఈ వార్తలు మరింత ఊపందుకున్నాయి. ధ్రువ్ ఇన్‌స్టాగ్రామ్‌లో షేర్ చేసిన సెల్ఫీని అనుపమ రీ-షేర్ చేయడం, గతంలో ఇంటర్వ్యూలలో ఒకరిపై ఒకరు సానుకూలంగా స్పందించడం వీరి మధ్య ప్రత్యేక అనుబంధం ఉందని అభిమానులు భావిస్తున్నారు.

వృత్తి పరంగా చూస్తే, అనుపమ కెరీర్ పీక్ ఫేజ్‌లో ఉంది. తెలుగులో మంచి గుర్తింపు తెచ్చుకున్న ఆమె, ‘అ ఆ’ , ‘శతమానం భవతి’, రాక్షసుడు, కార్తికేయ 2 వంటి చిత్రాలతో టాలీవుడ్‌లో స్థిరమైన స్థానం సంపాదించుకుంది. ప్రస్తుతం కూడా తెలుగు, తమిళ ప్రాజెక్టులతో బిజీగా ఉంది. ఇక ధ్రువ్ విషయానికి వస్తే, తనదైన సినిమాల ఎంపికతో గుర్తింపు తెచ్చుకుంటూ ముందుకెళ్తున్నాడు. ఆయన తండ్రి విక్రమ్ స్టార్ ఇమేజ్ ఉన్నా, ధ్రువ్ మాత్రం స్వంతంగా పేరు తెచ్చుకునే ప్రయత్నంలో ఉన్నాడు.

ఇక ధృవ్ , అనుపమ వీరిద్దరూ కలిసి నటించిన బైసన్ సినిమాతో పరిచయమే ప్రేమగా మారిందన్న టాక్ కూడా వినిపిస్తోంది. అయితే ఇప్పటివరకు ఇద్దరూ అధికారికంగా ఏ ప్రకటన చేయలేదు.

Meenakshi Chaudhary : బాలీవుడ్ ఎంట్రీ ఇవ్వనున్న మీనాక్షి చౌదరి.. హీరో ఎవరంటే..?