‘అఖండ’ తర్వాత నందమూరి బాలకృష్ణ సినిమాల జోరు పెంచారు. వరుసగా సినిమాలు ఓకే చేస్తూ వస్తున్నారు. ఓవైపు గోపీచంద్ మలినేని సినిమా పట్టాలెక్కిస్తుండగా, మరోవైపు అనిల్‌ రావిపూడి సినిమా కూడా ఓకే చేసేశారు. ఇప్పుడు మరో సినిమాను పట్టాలెక్కించే ప్రయత్నంలో ఉన్నారని టాక్‌. అయితే ఈ సినిమా కథ, కథనం మామూలుగా ఉండదు అంటున్నారు. పుకార్లు నిజమైతే… ఈ సినిమాలో బాలయ్య మరోసారి పోలీసుగా అలరిస్తాడని భోగట్టా. ప్రస్తుతం టాలీవుడ్‌లో ఈ సినిమా గురించే చర్చ.
గీతా ఆర్ట్స్‌ బ్యానర్‌లో నందమూరి బాలకృష్ణ ఓ సినిమాలో నటిస్తారని ఆ మధ్య వార్తలొచ్చాయి. ‘అన్‌స్టాపబుల్‌’ షో చేసిన అనుబంధంతో గీతా ఆర్ట్స్‌లో సినిమా చేయడానికి బాలయ్య ఓకే చెప్పాడని అన్నారు. అయితే దర్శకుడు ఎవరూ ఇంకా ఫిక్స్‌ అవ్వలేదని, త్వరలో దీనిపై క్లారిటీ వస్తుందని అని కూడా చెప్పుకొచ్చారు. తాజాగా దర్శకుడి విషయంలో కాస్త క్లారిటీ వచ్చిందట. అతనే కల్యాణ్‌రామ్‌తో ‘బింబిసార’ తెరకెక్కిస్తున్న మల్లిడి వశిష్ట్‌. అతని దగ్గర ఓ వైవిధ్యమైన కథను అల్లు అరవింద్‌ ఇప్పటికే విని ఓకే చేశారని టాక్‌.
ఆ కథ ప్రకారం చూసుకుంటే ఈ సినిమాలో బాలయ్య పోలీసు ఆఫీసర్‌గా కనిపిస్తారు. అయితే రిటైర్మెంట్‌కి ఇంకా ఆరు నెలలు సమయం ఉన్న పోలీసుగా దర్శనమిస్తారట. బాలయ్యను అలా చూపించడానికి ఓ కారణం ఉంది. రిటైర్మెంట్‌కి ఇంకా ఆరు నెలలు ఉంటే అతనిని ట్రాన్స్‌ఫర్‌ చేయరట. ఈ పాయింట్‌ను ఆధారంగా తీసుకునే మల్లిడి వశిష్ట్‌ ఈ కథ రాసుకున్నాడట. ఆ ఆరు నెలల కాలంలో హీరో ఆ ప్రాంతంలో రౌడీల దుమ్ము దులిపి దబిడి దిబిడే ఆడిస్తాడట.
పోలీసు పాత్ర అంటే బాలయ్య మామూలుగా ఉండదు. గతంలో పోలీసు – బాలయ్య కాంబినేషన్‌లో వచ్చిన సినిమాలు చాలావరకు ఇండస్ట్రీ రికార్డులు సృష్టించాయి. ఇప్పుడు ఈ సీనియర్‌ పోలీసు అధికారి పాత్రలో బాలయ్య ఎలా చేస్తాడు, ఏం చేస్తాడు అనేది చూడాలి. అయితే ‘బింబిసార’ సినిమా ఫలితం మీద ఈ సినిమా ఆధారపడి ఉంటుందా? లేక ఆ సినిమా ఎలా వచ్చినా ఈ సినిమా ఉంటుందా అనేది చూడాలి.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
