చిరంజీవి – పూరి జగన్నాథ్ కాంబినేషన్‌ కోసం ఎవరెవరు వెయిట్‌ చేస్తున్నారు అని చిరంజీవి అభిమానుల దగ్గర ప్రశ్న వేస్తే.. మేము మేము అంటూ కుర్చీలు ఎక్కి మరీ నిలబతారు. అంతలా ఆ కాంబోకి విలువుంది. ‘ఆటో జానీ’ పేరుతో అప్పట్లో అనౌన్స్‌మెంట్‌ రావడంతో పూనకాలు వచ్చినట్లు ఊగిపోయారు అభిమానులు. అయితే ఆ సినిమా ముందుకెళ్లలేదు. అయితే ఇప్పుడు మరోసారి ఈ కాంబో చర్చల్లోకి వచ్చింది. తాజాగా ఈ కాంబోకు కథ ఓకే అయ్యింది అని అంటున్నారు.
డేర్ అండ్ డాషింగ్ డైరెక్టర్‌గా పేరు తెచ్చుకున్న పూరి జగన్నాథ్… మెగాస్టార్ చిరంజీవి కోసం ఓ పవర్ ఫుల్ కథ రాస్తున్నారని వార్తలొచ్చాయి. తన టీమ్‌తో కలసి పూరి గోవాలో క్యాంప్ వేసుకుని మరీ స్క్రిప్ట్ పై కసరత్తులు చేశారని కూడా అంటున్నారు. అయితే తాజా సమాచారం ఏంటంటే.. ఈ కథ పూర్తి అయిందట. త్వరలోనే మెగాస్టార్‌కి ఈ కథను పూరి వినిపించబోతున్నారని టాక్‌. పూరి గత కథలకు ఈ కథకు చాలా తేడా ఉంటుందని సన్నిహిత వర్గాల సమాచారం.
తండ్రి కొడుకుల మధ్య సాగే మాస్‌, యాక్షన్‌ సినిమాగా ఈ కథను మలిచారని చెబుతున్నారు. అలాగే సినిమాలో మంచి ఎమోషన్ కూడా ఉంటుందట. దీంతో ఆ కథ ఏమై ఉండొచ్చు అనే ప్రశ్న సినీ వర్గాల్లో వినిపిస్తోంది. అలాంటి కథ పూరి ఏం రాసుండొచ్చు అంటూ చెవులు కొరుక్కుంటున్నారు. అయితే ఇక్కడే ఓ ఆసక్తికరమైన రూమర్‌ వినిపిస్తోంది. అదే ఈ సినిమా కూడా రీమేక్‌ అని. అంటే వేరే లాంగ్వేజ్‌లో వచ్చిన సినిమాను ఇక్కడికి తగ్గట్టుగా పూరి మార్చి తీస్తున్నారట.
మలయాళంలో మోహన్‌లాల్‌ – పృథ్వీరాజ్‌ సుకుమారన్‌ ప్రధాన పాత్రల్లో రూపొందిన చిత్రం ‘బ్రో డాడీ’. తండ్రీ కొడుకుల మధ్య సాగే ఈ సినిమాలో పైన చెప్పిన అంశాలన్నీ ఉంటాయట. అంతేకాదు ఈ సినిమా హక్కుల్ని రామ్‌చరణ్‌ ఇప్పటికే కైవసం చేసుకున్నాడని.. కూడా వార్తలొచ్చాయి. ఆ సినిమానే ఇప్పుడు పూరి తెలుగుకు తగ్గట్టుగా మారుస్తున్నారని టాక్‌. ఇందులో నిజమెంతో తెలియాల్సి ఉంది.
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
