Puri,Chiru: పూరి – చిరు సినిమాపై కొత్త రూమర్స్‌.. నిజమేనా?

‘అవును నా ‘ఆటో జానీ’ సంగతేం చేశావ్‌’.. ఈ డైలాగ్‌ ఎక్కడో విన్నట్లుగా ఉంది కదా. ‘గాడ్‌ఫాదర్‌’ సినిమా ప్రచారాన్ని బాగా ఫాలో అయినవాళ్లకు ఈ డైలాగ్‌ సంగతి బాగానే తెలిసి ఉంటుంది. పూరి జగన్నాథ్‌ – చిరంజీవి ఇంటర్వ్యూ ఆఖరులో ఈ డైలాగ్‌ వినిపించింది. తనతో సినిమా చేయమని పూరి జగన్నాథ్‌ను చిరంజీవి అడిగారు. దానికి మరో కథ సిద్ధం చేసి వస్తా అని ఆయన చెప్పారు. అయితే ఇప్పుడు ఆ కథ సిద్ధమైపోయింది అని టాక్‌. అంతేకాదు రెండు నెలల్లో షూటింగ్‌ మొదలు అని కూడా అంటున్నారు.

వినడానికి ఓకే అయినా, నమ్మడానికే కాస్త డౌట్‌గా అనిపించే విషయం ఇది. కానీ ఇండస్ట్రీ వర్గాల్లో ఈ టాక్‌ జోరుగా నడుస్తోంది. చిరంజీవి కోసం పూరి జగన్నాథ్‌ ఓ కథ సిద్ధం చేశారని, ఇప్పటికే ఆ పాయింట్‌ని చిరంజీవి వినిపించి ఓకే చేసుకున్నారని చెబుతున్నారు. అంతేకాదు పూర్తి స్థాయిలో ఆ కథను సిద్ధం చేస్తే.. ఫిబ్రవరిలోనే షూటింగ్‌ ప్రారంభించేద్దాం అని కూడా మాట ఇచ్చారని చెబుతున్నారు. దీంతో పూరి ప్రస్తుతం ఆ పనిలో ఉన్నారు అని చెబుతున్నారు.

చిరంజీవి ప్రజెంట్‌ జోరు చూస్తుంటే.. వరుసగా సినిమాలు ఓకే చేయడం, షూటింగ్‌ స్టార్ట్‌ చేయడం పెద్ద కొత్తేమీ లేదు. అలాగే ఆశ్చర్యమూ ఏమీ లేదు. ‘గాడ్‌ఫాదర్‌’, ‘వాల్తేరు వీరయ్య’, ‘భోళా శంకర్‌’ సినిమాలను ఎట్‌ ఏ టైమ్‌ షూట్‌ చేశారు. అలా ఆయన వరుస సినిమాలు చేసే హీరోగా నిలిచారు. కాబట్టి ఇప్పుడు ‘భోళా శంకర్‌’ సెట్స్‌ మీద ఉండగా.. పూరి సినిమా చేసేయొచ్చు. అలాగే మరో సినిమా కూడా స్టార్ట్‌ చేస్తారని టాక్‌ కూడా వినిపిస్తోంది.

ఫిబ్రవరిలో కానీ సినిమా మొదలుపెడితే… వినాయకచవితికి కానీ, దసరాకి కానీ రిలీజ్‌ చేస్తారు అని టాక్‌. చూద్దాం ఆ కథేంటో, దాని కథాకమామిషు ఏంటో. ప్రస్తుతం చిరు ‘వాల్తేరు వీరయ్య’ పాట షూట్‌ కోసం విదేశాలకు వెళ్లారు.

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!