Mega 158: విజయ్‌ సినిమా లేట్‌ ఎఫెక్ట్‌: చిరంజీవి సినిమా నిర్మాత మారుతారా?

చిరంజీవి – కేఎస్‌ రవీంద్ర (బాబీ) సినిమా నిర్మాణ సంస్థ మారుతుందా? రేపో మాపో సినిమాకు కొబ్బరికాయ కొడతారు అని వార్తలొస్తున్న నేపథ్యంలో ఈ మార్పు వార్త ఆసక్తికరమే కానీ.. వేరే పరిస్థితులు లేని నేపథ్యంలో ఈ మార్పు చేయాల్సి వస్తోందిన టాలీవుడ్‌ వర్గాల టాక్‌. శాండిల్‌వుడ్‌కి చెందిన కేవీఎన్‌ ప్రొడక్షన్స్‌ ఈ సినిమా ఇప్పటివరక నిర్మాత. అన్నీ అనుకోనట్లు జరిగితే ఈ సినిమాకు బ్యానర్‌తో పాటు మరో బ్యానర్‌ వస్తుంది. లేదంటే మొత్తం కొత్త బ్యానర్‌ వస్తుంది. దీనికి కారణం విజయ్‌ కొత్త సినిమా ‘జన నాయగన్‌’ అని చెబుతున్నారు.

Mega 158

విజయ్‌ – హెచ్‌ వినోద్‌ కాంబినేషన్‌లో కేవీఎన్‌ ప్రొడక్షన్స్‌ నిర్మించిన చిత్రం ‘జన నాయగన్‌’. సెన్సార్‌ సర్టిఫికెట్ రాకపోవడం, కోర్టుల్లో కేసు ఉండటంతో ఎప్పుడు ఈ సినిమా వస్తుంది అనేది అర్థం కావడం లేదు. హైకోర్టు నుండి సుప్రీంకోర్టుకి.. మళ్లీ అక్కడి నుండి హైకోర్టుకి నిర్మాణ సంస్థ చక్కర్లు కొడుతోంది. ఈ నేపథ్యంలో సినిమా ప్రొడక్షన్‌ టీమ్‌ వేరే సినిమాల మీద దృష్టి పెట్టే అవకాశం లేదు అని చెబుతున్నారు. దానికితోడు యశ్‌ ‘టాక్సిక్‌’ సినిమా కూడా విడుదలకు సిద్ధమవుతుండటంతో ఆ పనులు కూడా ఉన్నాయి.

ఇలా ఒక సినిమా ఆగి, మరో సినిమా రిలీజ్‌కి దగ్గరగా ఉండటం ఒక కారణమైతే.. ‘జన నాయగన్‌’ సినిమా బడ్జెట్‌, డబ్బుల లెక్కలు ఇంకా తేలడం లేదు. ఈ టైమ్‌లో మరో సినిమా స్టార్ట్‌ చేస్తే ఆర్థికపరమైన చిక్కులు రావొచ్చు అనే టాపిక్‌ కూడా మరోవైపు నడుస్తోంది. వీటన్నింటి నేపథ్యంలో బాబీ సినిమాకు మళ్లీ నిర్మాత కష్టాలు వచ్చాయి. అదేంటీ మళ్లీ కష్టాలు అనుకుంటున్నారా? ఇప్పుడు చేయబోయే సినిమాను మైత్రీ మూవీ మేకర్స్‌ నిర్మించాలి. అయితే వివిధ కారణాల వల్ల వాళ్లు నో చెప్పారు.

మరిప్పుడు కేవీఎన్‌ ప్రొడక్షన్స్‌ నో అనుకుంటే సినిమాను టేకోవర్‌ ఎవరు చేస్తారు అనేది చూడాలి. మామూలగా ఇలాంటి టేకోవర్‌లు పీపుల్‌ మీడియా ఫ్యాక్టరీ బాగా చేస్తుంది. కానీ ఇప్పుడు వాళ్ల పరిస్థితి అంతంతమాత్రంగానే ఉంది..

ధనుష్ తో పెళ్ళి.. నాకు ఫ్రీగా పీఆర్ చేసి పెడుతున్నారు : మృణాల్ ఠాకూర్