స్టార్ హీరోయిన్‌ ఆమె… సినిమాలో కనిపించడానికి రూ. 10 కోట్ల నుండి రూ. 15 కోట్ల వరకు తీసుకుంటుందని అంచనా. అలాంటి హీరోయిన్‌ ఓ సినిమాలో ఫ్రీగా నటించింది అంటే నమ్ముతారా? అందులోనూ ఇప్పుడు కోట్లాభిషేకం పొందుతున్న ఓ స్టార్ హీరో సినిమాలో ఉచితంగా నటించింది అంటే నమ్ముతారా? కానీ ఇది జరిగింది అనేది బాలీవుడ్ నుండి లేటెస్ట్‌ టాక్‌. ఆ హీరోయిన్‌ దీపిక పడుకొణె కాగా, ఆ సినిమా షారుఖ్ ఖాన్ లేటెస్ట్‌ బ్లాక్‌బస్టర్‌ హిట్‌ ‘జవాన్’.
ప్రస్తుతం దేశంలో ఎక్కువ మంది మాట్లాడుతున్న సినిమా ‘జవాన్’. సుమారు రూ. 700 కోట్ల వసూళ్లతో సినిమా దూసుకుపోతోంది. వీక్‌డేస్‌లోనూ మంచి వసూళ్లను అందుకున్న ఈ సినిమా ఈ వీకెండ్‌ పూర్తయ్యేసరికి రూ. 1000 కోట్ల మార్కును దాటేస్తుందని అంచనా. ఇలాంటి సినిమాలో ఓ హీరోయిన్‌, అందులోనూ సినిమాలో కీలక సమయంలో వచ్చి మలుపు తిప్పిన స్టార్ హీరోయిన్‌ డబ్బులు తీసుకోకుండా నటించింది అంటే పెద్ద విషయమే.
అయితే… ‘జవాన్’ సినిమా మీద, హీరో షారుఖ్ ఖాన్ మీద అభిమానంతో గెస్ట్ రోల్‌లో కనిపించడానికి దీపిక పడుకొణె ఉచితంగా నటించింది అని అంటున్నారు. ప్రస్తుతం షారుఖ్‌కి భారీ విజయం చాలా అవసరం. ‘పఠాన్‌’ సినిమాతో ఇప్పటికే బ్లాక్ బస్టర్‌ను అందుకున్న షారుఖ్.. దానిని కంటిన్యూ చేస్తూ ‘జవాన్’కు విజయం అవసరం. మరోవైపు దీపికను (Deepika) బాలీవుడ్‌లోకి తీసుకొచ్చింది, స్టార్ హీరోయిన్‌గా మార్చింది షారుఖ్ ఖానే.
ఈ ఆలోచనలతోనే దీపిక ఈ సినిమాలో ఫ్రీగా నటించింది అంటున్నారు. ‘జవాన్’లో ఐశ్వర్య రాథోడ్ అనే పాత్రలో దీపిక పడుకొణె కనిపించింది. ఆమె స్క్రీన్‌పై కనిపించింది కాసేపే అయినా సినిమా మీద మంచి ఇంపాక్ట్ క్రియేట్ చేసింది. అంతేకాదు షారుఖ్ ఖాన్, రోహిత్ శెట్టి సినిమాల్లో గెస్ట్ రోల్స్ అంటే పారితోషికం తీసుకునే ఛాన్స్‌ లేదని క్లారిటీ ఇచ్చేసింది. కాబట్టి మరిన్ని ఫ్రీ గెస్ట్ రోల్స్ ఎక్స్‌పెక్ట్‌ చేయొచ్చు. చూద్దాం ఇంకే సినిమాలో దీపిక కనిపిస్తుందో.
బాలీవుడ్ లో అత్యధిక రెమ్యూనరేషన్ తీసుకునేది ఆ హీరోనేనా..!
‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
Home
