తెలుగులో దాదాపు అందరు స్టార్ హీరోలతో సినిమాలు చేశారు దిల్ రాజు (Dil Raju) . మరికొందరితో చర్చల దశలో ఉన్నాయి సినిమాలు. ఈ నేపథ్యంలో ఆయన చూపు తమిళ స్టార్ హీరోల మీద పడి అని చెప్పాలి. మొన్నీమధ్యే విజయ్‌తో (Vijay Devarakonda) ఓ సినిమా చేశారు. ఇప్పుడు ధనుష్‌తో (Dhanush) సినిమాకు రంగం సిద్ధమైంది అని చెప్పాలి. శర్వానంద్‌తో (Sharwanand) ‘శ్రీకారం’ (Sreekaram) అనే సినిమా చేసి యువ దర్శకుడు కిషోర్ (Kishore Reddy) దర్శకత్వంలో దిల్ రాజు ఈ సినిమా ప్లాన్‌ చేస్తున్నారని సమాచారం.
మీరు నితిన్‌ (Nithiin) సినిమాల అప్‌డేట్స్‌ను ఫాలో అయ్యేవాళ్లు అయితే.. కచ్చితంగా మీకు ఇక్కడో డౌట్‌ వస్తుంది. అదే ‘కిషోర్ కొత్త సినిమా నితిన్‌తో కదా!’ అని. అవును ఆ వార్తలు వచ్చిన కిషోర్.. ఇప్పుడు ధనుష్‌తో సినిమా చేస్తారు అని పుకార్లు వస్తున్న కిషోర్ ఒకరే. ధనుష్‌కి టీవల కిషోర్ ఓ కథ చెప్పారని, నచ్చడంతో ఆయన కూడా ఓకే చేశారని అంటున్నారు. త్వరలో అనౌన్స్‌మెంట్‌ ఇచ్చి.. ఈ ఏడాది దసరాకి అధికారికంగా స్టార్ట్ చేస్తారని టాక్‌.
ఈ సినిమాలో ధనుష్ ఇంటెన్స్ క్యారెక్టర్‌ను ప్లే చేయబోతున్నారట. సాలిడ్ వేరియేషన్స్ నచ్చడంతో ధనుష్ ఆ కథను ఓకే చేశారని తెలుస్తోంది. మరి ‘శ్రీకారం’ లాంటి క్లాస్‌ సినిమా చేసిన కిషోర్.. ఇప్పుడు మాస్‌ హీరోతో మాస్‌ సినిమా ఎలా హ్యాండిల్‌ చేస్తారు అనేది చూడాలి. అయితే మరి నితిన్‌కి చెప్పిన కథ.. ఇప్పుడు ధనుష్‌తో చేస్తున్న కథ ఒకటేనా కాదా అనేది తెలియాలి. ఇక తమిళ హీరోలతో సినిమాలు చేయాలని ప్లానింగ్‌ చేస్తున్న దిల్ రాజు ఈ ప్రాజెక్ట్‌తో రెండో హీరోను పట్టేసినట్లే.
ఇదే ఫ్లోలో మరికొందరు టాప్‌ తమిళ హీరోలతో సినిమాలు చేయాలని అనుకుంటున్నారట. త్వరలోనే ఆ సినిమాల సంగతి కూడా తెలుస్తుంది అని చెబుతున్నారు. ఆయన గతంలో కమల్‌ హాసన్‌తో (Kamal Haasan) ‘భారతీయుడు 2’ (Indian 2) అనౌన్స్‌ చేసినా ఆ తర్వాత వెనక్కి తగ్గారు. ఆ స్థానంలో శంకర్‌తో (Shankar) రామ్‌చరణ్‌ (Ram Charan) ‘గేమ్‌ ఛేంజర్‌’ను (Game changer) ఓకే చేసుకుని ఇంకా షూటింగ్‌ చేస్తూనే ఉన్నారు.
