Gopichand: గోపీచంద్‌ సినిమా వేరే రూట్‌లో వచ్చేస్తోందా?

గోపీచంద్ అభిమానులు చాలా రోజులుగా ఎదురు చూస్తున్న చిత్రం ‘సీటీమార్‌’. కబడ్డీ నేపథ్యంలో తెరకెక్కిన సినిమా కావడం, తమన్నా కథానాయిక కావడం, ఇప్పటికే విడుదల చేసిన ప్రచార చిత్రాలు, ఓ పాటకు మంచి రెస్పాన్స్‌ రావడంతో సినిమా మీద ఆశలు పెట్టుకున్నారు. చాలా రోజులుగా తమ హీరో నుండి సరైన హిట్‌ రాకపోవడమూ ఓ కారణం. అయితే వారి అంచనాలకు బ్రేక్‌ ఇస్తూ… సినిమాను ఓటీటీలో రిలీజ్‌ చేస్తారనే టాక్ వినిపిస్తోంది.

కరోనా తొలి వేవ్‌ పరిస్థితులు ఇంకా పూర్తిగా దేశంలో ప్రవేశించకముందే వాయిదా పడిన సినిమా ‘సీటీమార్‌’. గోపీచంద్‌, తమన్నా కాంబినేషన్‌లో సంపత్‌ నంది తెరకెక్కించిన సినిమా ఇది. తొలుత 2020 మధ్యలో విడుదల చేస్తారని అనుకున్నారు. అయితే వాయిదా పడి ఈ ఏడాది ఏప్రిల్ 2న విడుదల చేస్తారని వార్తలొచ్చాయి. అయితే అనుకోని కారణాల వల్ల సినిమా విడుదల వాయిదా వేశారు. కారణాలు బయటకు చెప్పకపోయినా… పోస్ట్‌ ప్రొడక్షన్‌ పనుల్లో ఆలస్యమే కారణమని అన్నారు.

తాజా సమాచారం ఏంటంటే… ఈ సినిమాను ఓటీటీలో విడుదల చేయాలని చిత్రబృందం ఆలోచన చేస్తోందట. ఇప్పటికే దీనికి సంబంధించి రెండు ఓటీటీలు చిత్ర నిర్మాతలు శ్రీనివాస్‌ సిల్వర్‌ స్క్రీన్‌ను సంప్రదించాయనే మాటలూ వినిపిస్తున్నాయి. అయితే ఇంకా ఓ నిర్ణయం తీసుకోలేదని వినికిడి. గత ఏడాది కూడా ఈ సినిమా విషయంలో ఇలాంటి పుకార్లు వచ్చినా… అప్పటికి సినిమా ఇంకా పూర్త కాలేదు కాబట్టి… అవి పుకార్లుగానే మిగిలిపోయాయి. ఇప్పుడు సినిమా అంతా రెడీ కాబట్టి ఓటీటీకి ఇచ్చేస్తారేమో.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!