Leo: విజయ్‌ ‘లియో’ కొత్త పోస్టర్‌ డీకోడ్‌ చేస్తే.. కథపై క్లారిటీ వస్తోందా?

లోకేశ్‌ సినిమాటిక్‌ యూనివర్స్‌.. సౌత్‌ సినిమా పరిశ్రమలో ఇప్పుడు దీని గురించి ఆలోచించని, ఊహించని, కోరుకోని సినిమా అభిమాని ఉండరు అని చెప్పొచ్చు. ‘విక్రమ్‌’ సినిమా వచ్చాక ఈ యూనివర్స్‌ గురించి చాలా ఆసక్తి కలిగింది. కారణం ఆ విశ్వంలో ఉన్న హీరోలే. కమల్‌ హాసన్‌, కార్తి, విజయ్‌ సేతుపతి, ఫహాద్‌ ఫాజిల్‌, సూర్య … వామ్మో పెద్ద స్టార్‌ కాస్టే ఇది. అయితే ఇప్పుడు తాజాగా ఇందులోని విజయ్‌ కూడా వెళ్లారు అని అంటున్నారు. దీని మీద క్లారిటీ లేదు కానీ..

విజయ్‌ పుట్టిన రోజు సందర్భంగా రిలీజ్‌ చేసిన పోస్టర్‌ చూసి ఇంచుమించు సేమ్‌ యూనివర్స్‌ అని అంటున్నారు. అంతే కాదు ఆ పోస్టర్‌ను డీకోడ్‌ చేస్తూ.. ‘లియో’ సినిమాలో రోలెక్స్‌తో లియో ఫైట్‌ చేస్తాడు అని చెబుతున్నారు. ‘లియో’ పోస్టర్‌లో హీరో విజయ్‌తో పాటు పక్కనే ఓ తోడేలు కనిపిస్తుంది. వెనక మంచు కొండలు, ఊడిన పళ్లు, చేతిలో సుత్తి, గాల్లో ఎగిసిపడుతున్న రక్తం కనిపిస్తున్నాయి. ఈ మొత్తం కాన్సెప్ట్‌ను చూస్తే…

విలన్ గ్యాంగ్‌ను విజయ్ ఉతికారేసినట్లు అర్థమవుతుంది. అంతేకాదు.. ఈ పోస్టర్ ఆధారంగా ఫ్యాన్స్‌ కొత్త స్టోరీలు కూడా అల్లేస్తున్నారు. ‘లియో’ సినిమాలో విజయ్‌కి ఎదురొచ్చే విలన్‌ రోలెక్స్‌ అని ఫ్యాన్స్‌ తేల్చేస్తున్నారు. అయితే దీనిపై క్లారిటీ రావాలంటే సినిమా టీజరో, ట్రైలరో రావాల్సిందే. అప్పటికీ లోకేశ్‌ విలన్‌ను దాచేస్తే.. సినిమా రిలీజ్‌ అయ్యే అక్టోబరు 19 కోసం వెయిట్‌ చేయాల్సిందే. ఇక ఈ సినిమా రిలీజ్‌ విషయంలో భారీ ప్లాన్స్‌ వేస్తున్నారని తెలుస్తోంది.

ఈ సినిమాను (Leo) పాన్ ఇండియా లెవల్‌కి మించి ఉండేలా చూస్తున్నారట. సినిమా భారతీయ ప్రధాన భాషల్లో మాత్రమే కాకుండా విదేశీ భాషలలోనూ రిలీజ్‌ చేస్తారట. ఇక సినిమా స్ట్రీమింగ్ హక్కులను నెట్‌ఫ్లిక్స్‌కు ఇప్పటికే భారీ మొత్తానికి ఇచ్చేశారు. ఆ నెట్‌ఫ్లిక్స్ ద్వారానే విదేశీ భాషలలో సినిమాను విడుదల చేస్తున్నారని సమాచారం. త్వరలోనే దీనిపై క్లారిటీ వచ్చే అవకాశం ఉంది.

ఆదిపురుష్ సినిమా రివ్యూ & రేటింగ్!

‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్