‘భారతీయుడు’ సినిమా భారతీయ సినిమా తెరపై ఎంతటి విజయం సాధించిందో, సినిమా జనాలపై ఎంతటి ప్రభావం చూపించిందో అందరికీ తెలిసిందే. అలాంటి సినిమాకు కొనసాగింపుగా ‘భారతీయుడు 2’ తెరకెక్కుతున్న విషయం తెలిసిందే. ‘ఇండియన్‌ 2’ అనే పేరు పెట్టారు ఈ సినిమాకు. అయితే ఇప్పుడు ఈ సినిమా సీక్వెలా కాదా అనే ప్రశ్న వినిపిస్తోంది. దీనికి కారణం ఈ సినిమా ప్రీక్వెల్ అనే మాట వినిపిస్తోంది. తొలుత ఈ సినిమాను సీక్వెల్‌ అని చెప్పినా.. ఇప్పుడు ప్లాన్ మారింది అంటున్నారు.
కమల్ హాస‌న్ – శంక‌ర్ కాంబినేష‌న్‌లో చాలా రోజుల క్రితమే మొదలైంది ‘ఇండియన్‌ 2’. అయితే వివిధ కారణాల వల్ల సినిమా ఆగిపోయింది. ఇక మొదలు కాదు అని అనుకుంటుండగా… అనూహ్యంగా సినిమాను స్టార్ట్‌ చేశారు. నిజం చెప్పాలంటే స్టార్ట్‌ చేయాల్సి వచ్చింది అని చెప్పొచ్చు. అయితే ఈ క్రమంలో సినిమా కథలో కొన్ని మార్పులు జరిగాయి అని చెబుతున్నారు. ఈ సినిమాలో సేనాపతి (పెద్ద కమల్ పాత్ర) నేపథ్యంలోనే సాగుతుందట. అంటే సేనాపతి చిన్నతనం నుండి మొదలవుతుందని చెబుతున్నారు.
సినిమా వర్గాల సమాచారం ప్రకారం చూస్తే.. ‘ఇండియన్‌ 2’ని సీక్వెల్‌ అని అనకుండా.. ప్రీక్వెల్ అని చెప్పొచ్చు. ముస‌లి కమల్ హాస‌న్ జీవితంలో ఏం జ‌రిగింది? ప్ర‌యాణం ఎలా మొదలైంది? అనేది ఈ భాగంలో ప్రధానంగా చూపిస్తారట. క‌న్న కొడుకు అవినీతిప‌రుడ‌ని తెలిసిన సేనాపతి, కొడుకుని త‌న చేతుల‌తోనే చంపేసి, విదేశాల‌కు వెళ్లిపోవ‌డం పార్ట్ 1లో చూపించారు. సినిమాను రెండో పార్టుగా తీస్తే.. అక్కడి నుండి మొదలవుతుందని అనుకున్నారు. అయితే ఆలోచన మార్పులు వచ్చాయట.
దీంతో సేనాపతి నెక్స్ట్‌ ఏం చేశాడు అనేది కాకుండా.. సేనాపతి గతంలో ఏం చేశాడు, అసలు ఇలా ఎందుకు మారాడు అనే విషయాల్ని చూపిస్తారట. ఈ క్రమంలో ఈ సినిమాలో కమల్‌ను యంగ్‌ ఏజ్‌లో కూడా చూపించొచ్చు అని అనుకుంటున్నారట. మొత్తంగా సేనాపతి పాత్రను ముందుకు తీసుకెళ్తే.. ఓల్డ్‌ లుక్‌ వచ్చేస్తుంది అనే ఆలోచనతోనే ఇప్పుడు సినిమాలో మార్పులు చేశారని చెబుతున్నారు. ఇప్పటివరకు వచ్చిన లుక్‌ల్లో కూడా యంగ్‌ లుక్‌ చూపించలేదు. దీంతో కన్‌ఫ్యూజన్‌ అయితే వస్తుంది. క్లారిటీ ఏమన్నా ఇస్తారేమో చూడాలి.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home