ఒక సినిమాను ఘనంగా అనౌన్స్‌ చేయడం.. ఆ తర్వాతి దాన్ని క్యాన్సిల్ చేసినప్పుడు చడీచప్పుడు లేకుండా కామ్‌గా ఉండటం. ఇటీవల కాలంలో ఈ ట్రెండ్‌ టాలీవుడ్‌లో ఎక్కువైంది. ఎంత ఘనంగా చెబుతున్నారో, అంతే గౌరవంగా ఆ సినిమా ఆగిపోయింది అని చెప్పడంలో తప్పేమీ లేదు. ఈ సమస్య ఇటీవల కాలంలో మెగా కాంపౌండ్‌లో కనిపిస్తోంది. అనుకోకుండా జరుగుతోందో, లేక ఇంకేదైనా కారణమో ఏమో.. రామ్‌చరణ్‌ సినిమా, చిరంజీవి సినిమా ఒకే సమయంలో ప్రారంభం కాకుండా రద్దయ్యాయి. అయితే ఈ రద్దు వల్ల రామ్‌చరణ్‌ లైనప్‌ కన్‌ఫ్యూజ్‌లో పడింది.
యూవీ క్రియేషన్స్‌లో రామ్‌చరణ్‌ చాలా రోజుల నుండి ఓ సినిమా చేయాలని అనుకుంటున్నారు. ప్రభాస్ స్నేహితులు, సన్నిహితుల ప్రొడక్షన్‌ హౌస్‌ కావడంతో ఈ చర్చ నడుస్తోంది. అలా గౌతమ్‌ తిన్ననూరి కాంబోలో ఓ సినిమా అనౌన్స్‌ చేశారు కూడా. అయితే ఆ సినిమా ఇప్పుడు లేదని చరణ్‌ సన్నిహితులు తెలిపారు. దీంతో చరణ్‌ నెక్స్ట్‌ ఏం చేస్తాడు అనే ప్రశ్న ఇప్పుడు టాలీవుడ్‌లో నడుస్తోంది. దానికి కారణం ఇటీవల కాలంలో చరణ్‌ వరుస కథలు వినడమే అంటున్నారు. మరోవైపు నిర్మాతలు కొందరు సజెషన్స్‌ కూడా చేస్తుండటమే.
కొత్తగా వచ్చిన పుకారు చూసుకుంటే.. రామ్‌చరణ్‌కు ఇటీవల ‘ఉప్పెన’ ఫేమ్‌ బుచ్చిబాబు సానా ఓ కథ వినిపించారని సమాచారం. ఎన్టీఆర్‌తో సినిమా చేయాలని చాలా రోజులుగా ఖాళీగా ఉన్న బుచ్చిబాబు.. ఆ సినిమా లేట్‌ అయ్యేలా ఉందని రామ్‌చరణ్‌కు మరో కథ వినిపించారు అంటున్నారు. త్వరలోనే ఈ సినిమాపై ఓ నిర్ణయం తీసుకునే అవకాశం ఉంది అంటున్నారు. దీంతో చరణ్‌ లైనప్‌ పుకార్లలో కొత్త దర్శకుడు యాడ్‌ అయినట్లు అయ్యింది.
రామ్‌చరణ్‌ లైనప్‌ గురించి గత కొన్ని రోజులుగా వస్తున్న వార్తలు చూస్తే.. తొలుత ప్రశాంత్‌ నీల్‌ డైరక్షన్‌లో సినిమా అన్నారు కానీ తర్వాత కాదనేశారు. కొన్ని రోజులు క్రితం చరణ్‌కు ‘ఖైదీ’, ‘విక్రమ్‌’ చిత్రాల లోకేశ్‌ కనగరాజ్‌ ఓ స్టోరీ చెప్పారు అని వార్తలొచ్చాయి. దీని గురించి క్లారిటీ రావాల్సి ఉంది. కన్నడలో ‘మఫ్టీ’తో మంచి విజయం అందుకున్న నర్తన్‌ ఓ కథ నెరేట్‌ చేశారని గాసిప్స్‌ వచ్చాయి. ఆ తర్వాత సప్పుడు లేదు. ఇక ‘కాంతార’ సెన్సేషన్‌ రిషబ్‌ శెట్టితో చరణ్‌ సినిమాను గీతా ఆర్ట్స్‌ సెట్‌ చేస్తోందని కూడా అన్నారు.
ఇవన్నీ పక్కనపెడితే రామ్‌చరణ్‌, ప్రభాస్ కాంబోలో మైత్రీ మూవీ మేకర్స్‌, యూవీ క్రియేషన్స్‌ కలసి బాలీవుడ్‌ డైరక్టర్‌ సిద్ధార్థ్‌ ఆనంద్‌ దర్శకత్వంలో ఓ సినిమా ఉండొచ్చని వార్తలు బాలీవుడ్‌ నుండి వస్తున్నాయి. దీని గురించి చ్చలు కూడా సాగుతున్నాయట. ఇలా చరణ్‌ లైనప్‌ గురించి రోజుకొక వార్త వస్తోంది. కాబట్టి.. లైనప్‌పై చరణ్‌ ఎంత త్వరగా క్లారిటీ ఇస్తే ఫ్యాన్స్‌ అంత హ్యాపీ.
Most Recommended Video
లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!
Home