హీరో అందులోనూ స్టార్ హీరో ఇంకా చెప్పాలంటే మాస్‌ స్టార్ హీరో… ఇన్ని ప్రిఫిక్స్‌లు ఉన్న ఓ హీరో చేస్తున్న సినిమా, అందులోనూ పాన్‌ ఇండియా సినిమాలో డ్యూయెట్లు లేవంటే నమ్ముతారా? ఇంత పెద్ద ఉపోద్ఘాతం ఏ సినిమాకబ్బా… డ్యూయెట్లు లేని సినిమా ఏమొచ్చిందబ్బా అంటూ ఊహల్లోకి వెళ్లొద్దు. ఎందుకంటే ఆ సినిమా ఇంకా రాలేదు. అన్నీ అనుకున్నట్లుగా జరిగితే డిసెంబరు 22న వస్తుంది. ఇప్పటికే అర్థమైపోయుంటుంది ఆ సినిమా ‘సలార్’ అని.
అవును, ‘సలార్’ సినిమాలో డ్యూయెట్లు ఉండవు అంటున్నారు. ఈ విషయంలో అధికారిక సమాచారం అయితే లేదు కానీ… ‘సలార్: ది సీస్‌ ఫైర్‌’లో హీరో, హీరోయిన్‌ మధ్య ఎలాంటి డ్యూయెట్లు ఉండవు అని సమాచారం. కనీసం మాంటేజ్‌ సాంగ్‌లు కూడా ఉండవు అని చెబుతున్నారు. అంతేకాదు అంత పెద్ద సినిమాలో కేవలం రెండే పాటలు ఉంటాయట. ఒకటి ఇంట్రడక్షన్‌ సాంగ్ అయితే, రెండోది ఐటెమ్‌ సాంగ్. తొలి పాట ఫస్ట్‌లో వస్తుంది, రెండో పాట ఆఖరులో వస్తుంది అని ఈజీగా చెప్పేయొచ్చు.
‘సలార్’ (Salaar) సినిమాకు సంబంధించి చాలా రోజుల నుండి రకరకాల పుకార్లు వస్తున్నాయి. అందులో నిజమేది, పుకారేది అని కనుక్కుందాం అంటే చాలా వరకు నిజం అనే తేలాయి. రిలీజ్ డేట్‌ నుండి వాయిదా వరకు.. తిరిగి మళ్లీ రిలీజ్ డేట్‌ వరకు అన్నీ మారిపోయాయి. సినిమాను రెండు ముక్కలు చేస్తున్నారు అనే విషయం కూడా ముందు లీకులతో వచ్చింది. ఇప్పుడు మళ్లీ వాయిదా లీకులు వస్తున్నాయి కానీ ఈ సారి ఏం అవుతుందో తెలియదు.
ఆ విషయం పక్కన పెడితే ఈ సినిమాలో ఎక్కువగా నేపథ్య సంగీతం మీదే దర్శకుడు ప్రశాంత్ నీల్ దృష్టిపెట్టారట. ఇంట్రడక్షన్‌ సాంగ్ ఒకటి చాలు అని తొలుత చేసేశారట. అయితే ఏమైందో ఏమో ఓ ఐటెమ్‌ సాంగ్ ఉండాలి అని తాజాగా అనుకున్నారట. అందులో భాగంగానే ఇటీవల ఓ ఐటెమ్‌ సాంగ్ చిత్రీకరించారు. అయితే ఈ పాటలో ప్రభాస్ కనిపించడం, స్టెప్పులేయడం లాంటివి అస్సలు ఉండవని అంటున్నారు. దీంతో ఈ సినిమాలో ప్రభాస్‌తో దాదాపు స్టెప్పుల పాటలు లేనట్లే అని చెప్పొచ్చు. ఇంట్రడక్షన్‌లో కూడా నడకే ఉంటుంది అని చెబుతున్నారు.
జపాన్ సినిమా రివ్యూ & రేటింగ్!
జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!
Home