అర్జున్ దర్శకుడిగా.. అతని కూతరు ఐశ్వర్య హీరోయిన్‌గా, విశ్వక్‌సేన్‌ కథానాయకుడిగా ఓ సినిమా ఆ మధ్య మొదలైంది. పవన్‌ కల్యాణ్‌ క్లాప్‌తో భారీ స్థాయిలో ప్రారంభించారు ఆ సినిమాను. అయితే ఆ తర్వాత జరిగిన పరిణామాల నేపథ్యంలో విశ్వక్‌సేన్‌ ఆ సినిమా నుండి తప్పుకున్నాడు. అయితే అది తప్పుకోవడం కాదు తొలగించడం అనే మాట కూడా ఉందనుకోండి. ఆ విషయం పక్కనపెడితే.. ఇప్పుడు ఆ సినిమాలో కొత్త హీరో గురించి సెర్చింగ్‌ ఆగిపోయిందని టాక్‌.
ఎందుకంటే హీరో ఆల్‌మోస్ట్‌ ఓకే అయ్యాడు అంటున్నారు. విశ్వక్‌సేన్‌ బదులు కొత్త హీరో కోసం అర్జున్ అండ్‌ కో. వెతుకుతున్నారని గత కొద్ది రోజులుగా వార్తలొస్తున్నాయి. అయితే ఈ క్రమంలో అర్జున్ చూపు శర్వానంద్‌పై పడిందని సమాచారం. శర్వానంద్కి ఈ క‌థ సెట్‌ అవుతుంద‌ని అర్జున్ భావిస్తున్నారట. త్వ‌ర‌లోనే శ‌ర్వానంద్‌ను క‌లసి, ఈ క‌థను వినిపించి, అంతా ఓకే అనుకుంటే ముందుకెళ్లాలని అనుకుంటున్నారని వార్తలొస్తున్నాయి. అయితే ఈ విషయంలో ఎలాంటి అధికారిక సమాచారం రావాల్సి ఉంది.
మరోవైపు కృష్ణ చైత‌న్య ద‌ర్శ‌క‌త్వంలో శర్వానంద్‌ ఇటీవల ఓ సినిమా ఒప్పుకొన్నాడు. శ్రీ‌రామ్ ఆదిత్య కూడా శర్వానంద్కి ఓ క‌థ వినిపించాడని టాక్‌ వినిపిస్తోంది. వీటితోపాటు మరో సినిమా కూడా ఓకే చేశాడు అని అంటున్నారు. ఇలాంటి సమయంలో అర్జున్ సినిమాను శర్వా ఓకే చేస్తాడా అనేది ఇక్కడ విషయం. ఎందుకంటే అర్జున్ తన సినిమాను వీలైనంత త్వరగా స్టార్ట్‌ చేయాలని అనుకుంటున్నాడు. దాని వల్ల మిగిలిన సినిమాలను వాయిదా వేయాల్సి ఉంటుంది.
మరోవైపు అర్జున్ ప్రెస్ మీట్ పెట్టి మ‌రీ తన హీరోపై ఆరోప‌ణ‌లు చేశారు. ఇలాంటి సమయంలో టాలీవుడ్‌ యువ హీరోలు ఇప్పుడు అర్జున్‌తో సినిమా చేయ‌డానికి కాస్త వెనుకంజ వేసే అవ‌కాశం ఉంది. అయితే అర్జున్ న‌టీన‌టుల‌కు, టెక్నీషియ‌న్ల‌కు అడ్వాన్సులు ఇచ్చి డేట్లు లాక్ చేసుకొన్నాడు. దీంతో ఇప్పటికిప్పుడు చేతి నిండా డేట్స్‌ ఖాళీగా ఉన్న హీరో కావాలి. లేదంటే అర్జున్ మీద పూర్తి నమ్మకం పెట్టుకుని మిగిలిన సినిమాల్ని వదులుకోవాలి. చూద్దాం ఏమవుతుందో?
Most Recommended Video
లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!
Home