సినిమా వాళ్ల పేమ వార్తలు, పెళ్లి వార్తలు డేటింగ్ వార్తలు.. సర్వసాధారణం. వాటిలో ఎంతవరకు నిజముంటుందో తెలీదు కానీ.. వినడానికి మాత్రం బాగుంటాయి. అందుకే వీటికి డిమాండ్ ఎక్కువ. ఇదిలా ఉండగా.. ఒక స్టార్ యాంకర్ కొన్నాళ్ల నుండి ఓ ఎమ్మెల్యేతో ప్రేమలో ఉన్నాడు అనే వార్త ఇప్పుడు తెగ చక్కర్లు కొడుతోంది. పూర్తి వివరాల్లోకి వెళితే.. బుల్లితెర పై అతనొక స్టార్ యాంకర్ (Star Anchor). అతను హోస్ట్ చేసే ప్రతి షోలో సందడి మామూలుగా ఉండదు.
అందరి యాంకర్ల మాదిరి ఇతను డబుల్ మీనింగ్ డైలాగ్స్ పై ఆధారపడడు.ఇతను చేసే కామెడీ హెల్ధీగానే ఉంటుంది. అందుకే ఇతనికి ఫ్యామిలీ ఆడియన్స్ లో కూడా మంచి క్రేజ్ ఉంది. అందుకే హీరోగా కూడా మారాడు.కానీ మొదటి సినిమాకి మంచి టాక్ అయితే రాలేదు. అయినా ఇంకో సినిమా చేస్తున్నాడు. అయితే ఇతని వయసు మూడు పదులు దాటి కూడా చాలా ఏళ్ళు అయ్యింది. అయినా ఇంకా పెళ్లి చేసుకోలేదు.
మొన్నామధ్య ఇతను ఓ పెద్ద ఫ్యామిలీకి చెందిన అమ్మాయితో ప్రేమాయణం నడుపుతున్నట్టు టాక్ నడిచింది. కానీ దానిపై ఎటువంటి క్లారిటీ ఇవ్వలేదు. తర్వాత ఆ విషయాన్ని అంతా మర్చిపోయారు. అయితే లేటెస్ట్ టాక్ ప్రకారం.. ఇతను ఓ ఎమ్మెల్యేతో ప్రేమలో ఉన్నాడట.ఆమె ఆంధ్ర ప్రదేశ్లో కూటమి ప్రభుత్వానికి చెందిన ఎమ్మెల్యే అని సమాచారం. రెండేళ్ల నుండి ఆమెతో ప్రేమాయణం నడుపుతున్నాడట.
ఆమె వయసు కూడా 30 ఏళ్ళు పైనే ఉంటుందని తెలుస్తుంది.ఉన్నత చదువులు కూడా చదువుకుందట. మొత్తానికి ఆమె రాజకీయాల్లోకి అడుగుపెట్టడం సక్సెస్ అవ్వడం జరిగింది. సో మన స్టార్ యాంకర్ (Star Anchor) ఇంట్లో వాళ్ళు కూడా ఆమెను కోడలిగా చేసుకోవడానికి ఆసక్తి చూపుతున్నారట. మరి ఫైనల్ గా ఏమవుతుందో చూడాలి.
