Tamannaah: ఫస్ట్‌ టైమ్‌ అదుర్స్‌… రెండోసారి ఏమవుతుందో!

ఒకరు పోషించిన పాత్రను మరొకరు పోషించడం రీమేక్‌లతోనే సాధ్యం. మాతృకలో నటించిన వ్యక్తి కంటే… బాగా నటిస్తే పేరొస్తుంది. అదే తేడా చేస్తే… మంచి పాత్ర ఇలా చేశారేంటి అనుకుంటాం. అందుకే కొంతమంది రీమేక్‌ల్లో నటించడానికి ముందుకురారు. ఓ రీమేక్‌తో అదరగొడితే… వెంటనే ఇంకో రీమేక్‌లో నటించడానికి బూస్టింగ్‌గా ఉంటుంది. ఇప్పుడు తమన్నా కూడా ఇలానే ఆలోచిస్తోందా? అవుననే అంటున్నాయి టాలీవుడ్‌ వర్గాలు. ‘మాస్ట్రో’లో సిమ్రన్‌ పాత్రతో మెప్పించింది తమన్నా.

హిందీలో టబు పోషించిన ఆ పాత్రను చక్కగా నటించింది అని అందరూ మెచ్చుకుంటున్నారు. ఇప్పుడు అదే జోరులో ‘వేదాళం’ రీమేక్‌లో నటిస్తోందని టాక్‌. తమిళ ‘వేదాళం’ను మెగాస్టార్‌ చిరంజీవి ‘భోళా శంకర్‌’గా రీమేక్‌ చేస్తున్న విషయం తెలిసిందే. ఇందులో కథానాయికగా పాత్రలో తమన్నాను సంప్రదించారట. తమిళంలో ఆ పాత్రలో శ్రుతి హాసన్‌ కనిపించింది. ఒకవేళ తమన్నా ఈ ఆఫర్‌కు ఓకే చెబితే… చిరంజీవితో ఆమెకిది రెండో సినిమా అవుతుంది.

‘సైరా’ సినిమాలో చిరు సరసన తమన్నా నటించిన విషయం తెలిసిందే. అయితే ఆ సినిమాలో తమన్నాది మెయిన్‌ హీరోయిన్‌ పాత్ర కాదు. కానీ తన వరకు అద్భుతంగా నటించింది. ఆ పాత్రకు ఆమెకు మంచి పేరే వచ్చింది. ఇప్పుడు ‘భోళా శంకర్‌’లో నటిస్తే ఎలా మెప్పిస్తుందో చూడాలి. ఈ సినిమాలో చిరు సోదరిగా కీర్తి సురేశ్‌ నటిస్తున్న విషయం తెలిసిందే.

నెట్ సినిమా రివ్యూ & రేటింగ్!

Most Recommended Video

‘బిగ్ బాస్5’ మానస్ గురించి ఈ 10 విషయాలు మీకు తెలుసా?
‘బిగ్ బాస్5’ లహరి షెరి గురించి ఈ 10 విషయాలు మీకు తెలుసా?
‘బిగ్ బాస్5’ ప్రియా గురించి ఈ 12 విషయాలు మీకు తెలుసా?