రామ్ చరణ్ కెరీర్ లోనే ఎక్కువ రోజులు షూటింగ్ జరుపుకోవడం మాత్రమే కాక ‘మగధీర’ తర్వాత అత్యధిక బడ్జెట్ తో తెరకెక్కిన చిత్రంగా ‘రంగస్థలం’ ఆల్రెడీ పేరు తెచ్చుకొంది. సుకుమార్ దర్శకత్వంలో తెరకెక్కుతున్న ఈ చిత్రం మొత్తం 1980ల కాలంలో నడుస్తుందని, ఆది పినిశెట్టి, జగపతిబాబు ఈ చిత్రంలో కీలకపాత్రలు పోషిస్తున్నారని, సమంత ఈ చిత్రంలో కథానాయిక అని మాత్రమే ఇప్పటివరకూ జనాలకి తెలిసిన విషయాలు. అయితే.. సినిమా జోనర్ ఏమిటనేది మాత్రం ఇప్పటివరకూ క్లారిటీ లేదు.
ప్యూర్ లవ్ స్టోరీ అని కొందరు అంటుండగా.. ఈ సినిమాకి సంబంధించి కీలకమైన విషయమొకటి తెలిసింది. అందరూ అనుకొంటున్నట్లుగా “రంగస్థలం” లవ్ స్టోరీయో, పోలిటికల్ డ్రామానో కాదట. మంచి సస్పెన్స్ మర్డర్ థ్రిల్లర్ అని తెలుస్తోంది. “రంగస్థలం” అనే ఊర్లో జరిగిన ఒక హత్య చుట్టూ కథ నడుస్తుంది. తనకున్న “వినబడకపోవడం” అనే డీసెబిలిటీతో సదరు హత్య కేసును రామ్ చరణ్ ఎలా సాల్వ్ చేశాడు అనేది సినిమా కాన్సెప్ట్. సుకుమార్ శైలి స్క్రీన్ ప్లేతో ఆద్యంతం ఆసక్తికరంగా సినిమా ఉండబోతోందని వినికిడి.
Home