సాహో తర్వాత ప్రభాస్ చేయనున్న సినిమా పేరు ఇదేనా ?

బాహుబలి 2 తర్వాత యంగ్ రెబల్ స్టార్ ప్రభాస్ ‘రన్ రాజా రన్’ ఫేమ్ సుజీత్ డైరెక్షన్లో సాహో సినిమా చేస్తున్న సంగతి తెలిసిందే. యువీ క్రియేషన్స్ బ్యానర్లో భారీ బడ్జెట్ లో తెరకెక్కుతున్న ఈ మూవీ షూటింగ్ వేగంగా సాగుతోంది. బాలీవుడ్ బ్యూటీ శ్రద్ధా కపూర్ హీరోయిన్ గా నటిస్తున్న ఈ చిత్రం లేటెస్ట్ షెడ్యూల్ హైదరాబాద్ లో జరగనుంది. దీని తర్వాత దుబాయ్ శివార్లలో షూటింగ్ చేయనున్నారు. ఈ చిత్రం తర్వాత సినిమాకి కూడా ప్రభాస్ గ్రీన్ సిగ్నల్ ఇచ్చారు. గోపి కృష్ణ ఫిలిమ్స్ బ్యానర్లో నటించడానికి ఓకే చెప్పారు.

కృష్ణం రాజు నిర్మించనున్న ఆ సినిమాని జిల్ ఫేమ్ రాధాకృష్ణ దర్శకత్వం వహించనున్నారు. ప్రీ ప్రొడక్షన్ వర్క్ జరుపుకుంటున్న ఈ మూవీకి “దందా” అనే పేరు ఫిల్మ్‌ఛాంంబర్‌లో రిజిస్టర్‌ చేయించారు. ఈ టైటిల్‌ ప్రభాస్‌ కోసమే అని ఫిలిం నగర వాసులు స్పష్టం చేశారు. ప్రభాస్‌ తో కృష్ణంరాజు “బిల్లా” నిర్మించారు. ఆ తర్వాత ప్రభాస్‌తో “భక్త కన్నప్ప” అనే సినిమాను నిర్మించాలని అనుకున్నారు. కానీ ఆ కథని హోల్డ్ లో పెట్టి ఓ యాక్షన్ సినిమాని తెరకెక్కించడానికి సిద్ధమయ్యారు. ఈ సినిమా గురించి అధికారిక ప్రకటన త్వరలో రానుంది.