‘గీత ఆర్ట్స్’ అధినేత అల్లు అరవింద్ కు ఐటీ అధికారులు షాకిచ్చారు. గత సంవత్సరం విడుదలై బ్లాక్ బస్టర్ విజయాన్నందుకున్న ‘గీత గోవిందం’ చిత్రం 130 కోట్లకు పైగా కలెక్షన్లను రాబట్టిన సంగతి తెలిసిందే. అత్యంత లో బడ్జెట్ లో రూపొందించిన ఈ చిత్రానికి 4 రెట్లు లాభాలు వచ్చాయని ట్రేడ్ పండితులు గతంలో చెప్పుకొచ్చారు. ఇటీవల ఈ చిత్రానికి సంబందించిన ఆదాయం విషయంలో ఆరా తీసేందుకు ఆదాయపు పన్ను శాఖ అధికారులు ఆకస్మిక తనిఖీలు నిర్వహించారట.
ఈ చిత్రాన్ని నిర్మించిన ‘జి.ఏ2 ప్రొడక్షన్స్’ సంస్థ యాజమాన్యాన్ని అధికారులు ప్రశ్నించారట. తెలంగాణా, హైదరాబాద్‌ కి చెందిన ఐటీ యూనిట్‌-14 బృందం.. ఈ ఆఫీస్ లో కొన్ని గంటలపాటు తనిఖీలు నిర్వహించారట. ఈ వార్త ఒక్కసారిగా టాలీవుడ్ లో సంచలనంగా మారింది. ఈ చిత్రానికి 130 కోట్ల వసూళ్ళు వస్తే పన్ను చెల్లింపుల విషయంలో సంస్థ అధినేతలను ఇతర కార్యాలయ సిబ్బందిని కూడా అధికారులు విచారించినట్టు తెలుస్తుంది. ఈ చిత్రాన్ని డైరెక్ట్ చేసిన పరశురామ్(బుజ్జి) కెరీర్లోనూ అలాగే విజయ్ దేవరకొండ – రష్మిక కెరీర్లో కూడా ఇదే బిగ్గెస్ట్ హిట్.
Home
