‘జబర్దస్త్’ కామెడీ షోకి ఉన్న క్రేజ్ గురించి ప్రత్యేకంగా చెప్పనవసరం లేదు. ఈ షో ఎంతో మందికి లైఫ్ ఇచ్చింది. బుల్లితెర నుండీ వెండితెరకు ఎంతో మంది వెళ్లారంటే.. చాలా వరకూ ‘జబర్దస్త్’ వల్లే అని చెప్పాలి. స్టేజి పైన వేసే స్కిట్స్ లో తమ హావా భావాలతో ప్రేక్షకులను కడుపుబ్బా నవ్వించే ‘జబర్దస్త్’ కమెడియన్లు .. ఆ స్టేజిపై రావడానికి ఎంత కష్టపడతారన్న విషయాలు చాలా మందికి తెలీదు.ఇప్పటి వరకూ కొంతమంది పలు యూట్యూబ్ ఛానెల్స్ కు ఇచ్చిన ఇంటర్వ్యూలలో వాళ్ళ జర్నీ గురించి చెప్పుకొచ్చారు. తాజాగా హైపర్ ఆది స్కిట్స్ ద్వారా ఫేమస్ అయిన గణపతి మాస్టర్ కూడా.. ‘జబర్దస్త్’ స్టేజి వరకూ రావడానికి ఎంత కష్టపడ్డాడో వివరించాడు.
గణపతి మాష్టర్ మాట్లాడుతూ..”నా సొంతఊరు శ్రీకాకుళం. వృత్తి పరంగా నేనొక టీచర్ని..! అయితే యాక్టింగ్ పై ఇంట్రెస్ట్ వల్ల జాబ్ మానేసి హైదరాబాద్ కి వచ్చేసాను. ఇక్కడ కొత్త వేషాల కోసం ఎదురుచూసే వాళ్లంతా శ్రీ శ్రీ హోటల్ దగ్గర కలుస్తుంటారని తెలుసుకున్నాను. అలా అమన్ అనే వ్యక్తి నాకు పరిచయమయ్యాడు. అతని ద్వారా మొదటి షార్ట్ ఫిలిమ్ లో నటించే అవకాశం దక్కింది. లావుగా మరీ పొట్టిగా ఉన్న వాళ్ళ కోసం.. ఆయన గాలిస్తున్న తరుణం లో నేను అతనికి ఎదురయ్యాను. అంతేకాదు అమన్ ద్వారా ‘లవ్ యూ బంగారం’ సినిమాలో నటించే ఛాన్స్ కూడా లభించింది. అటు తరువాత షకలక శంకర్ ని కలవడం కూడా జరిగింది. ఆయన టీం లీడర్ కాబట్టి మొదట ‘జబర్దస్త్’ ఆఫర్ ఆయన ద్వారానే దక్కింది.
రెండేళ్ల పాటు షకలక శంకర్ తో కలిసి పని చేశాను. తరువాత ఆయన సినిమాల్లో బిజీ అవ్వడం వలన వెళ్ళిపోయాడు. తరువాత అదిరే అభిని కలిస్తే నన్ను..హైపర్ ఆది కి పరిచయం చేసారు. అప్పుడు స్క్రిప్ట్ లోని డైలాగ్స్ ఇచ్చి ప్రాక్టీస్ చేయమనేవారు. అదిరే అభి స్కిట్ అయిపోయిన సాయంకాలానికే బిర్యానీ పెట్టి మరీ డబ్బులు ఇచ్చాడు. తరువాత ఆది వల్ల నేను మరింత ఫేమస్ అయ్యాను. నా మొదటి స్కిట్ కు నేను 1000రూపాయలు అందుకున్నాను” అంటూ చెప్పుకొచ్చాడు.
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
