పెళ్లి కాకుండానే సుజాతతో కలిసి దుబాయ్ వెకేషన్ లో రాకింగ్ రాకేష్.. ఫోటోలు వైరల్!

December 29, 2022 / 02:07 PM IST

జబర్దస్త్ కార్యక్రమంలో కొన్ని జంటలకు ప్రత్యేకమైన క్రేజ్ ఉంది. కొందరు రీల్ జీవితంలో ప్రేమికులుగా నటించగా మరికొందరు రియల్ జీవితంలో కూడా ప్రేమికులుగా మారి ఈ కార్యక్రమం ద్వారా పెద్ద ఎత్తున సందడి చేస్తున్నారు. ఇలా నిజజీవితంలో కూడా ప్రేమికులుగా ఉండి జబర్దస్త్ షోలో సందడి చేస్తున్న వారిలో రాకింగ్ రాకేష్ జోర్దార్ సుజాత ఒకరు. ఈ జంట గత కొంతకాలం నుంచి ప్రేమలో ఉంటున్న సంగతి మనకు తెలిసిందే.

ఈ క్రమంలోనే వీరి ప్రేమ విషయాన్ని ఈ జంట జబర్దస్త్ వేదికగా తెలియజేశారు. ఇలా వీరిద్దరూ ప్రేమలో ఉన్నారనే విషయాన్ని చెప్పడంతో ఈ జంటకు విపరీతమైన ఫ్యాన్ ఫాలోయింగ్ పెరిగిపోయింది. ఇక వీరి ప్రేమ విషయం తెలిసిన తర్వాత వీరిద్దరూ కలిసి పెద్ద ఎత్తున స్కిట్లలో సందడి చేస్తున్నారు. అంతేకాకుండా వీరిద్దరూ జంటగా పలు వెకేషన్ లకు వెళ్తూ పెద్ద ఎత్తున సందడి చేస్తున్నారు. కొద్ది రోజుల క్రితం వీరి స్నేహితులతో కలిసి గోవా వెళ్లిన రాకేష్ సుజాత అనంతరం తిరుపతి వెళ్లి కూడా సందడి చేశారు.

అయితే తాజాగా మరోసారి వీరిద్దరూ దుబాయ్ వెకేషన్ వెళ్ళినట్టు తెలుస్తుంది. ఈ క్రమంలోనే దుబాయిలోని బూర్జ్ ఖలీపా టవర్ ముందు తీసుకున్న ఫొటోలను సోషల్ మీడియా వేదికగా షేర్ చేయడంతో ఈ ఫోటోలు కాస్త వైరల్ అయ్యాయి. ఈ ఫోటోలు సోషల్ మీడియాలో వైరల్ కావడంతో వీరిద్దరూ ఏదైనా ఈవెంట్ కోసం దుబాయ్ వెళ్లారా లేదా పర్సనల్ పని నిమిత్తం దుబాయ్ వెళ్లారా అనే విషయం గురించి చర్చలు జరుపుతున్నారు.

అయితే త్వరలోనే పెళ్లి చేసుకోబోతున్న నేపథ్యంలో బహుశా షాపింగ్ కోసం దుబాయ్ వెళ్లారా అనే సందేహాలు తలెత్తుతున్నాయి. ఏది ఏమైనా పెళ్లి కాకుండానే ఇలా కాబోయే భార్యతో రాకింగ్ రాకేష్ పలు వెకేషన్ లకి వెళ్తూ ఫుల్ చిల్ అవుతున్నారు.