సీనియర్ స్టార్ హీరో జగపతిబాబు సెకండ్ ఇన్నింగ్స్ లో అన్ని రకాల పాత్రల్లో నటిస్తూ ప్రేక్షకులను మెప్పిస్తున్నారు. ప్రస్తుతం ఈ సీనియర్ హీరో మహాసముద్రం సినిమాలో కీలక పాత్రలో నటిస్తున్నారు. ఆర్ ఎక్స్ 100 సినిమా తరువాత అజయ్ భూపతి దర్శకత్వం వహిస్తున్న ఈ సినిమాలో శర్వానంద్, సిద్దార్థ్ హీరోలుగా నటిస్తున్నారు. సక్సెస్ లో లేని ఈ ఇద్దరు హీరోలు అజయ్ భూపతి హిట్ ఇస్తాడని భావిస్తున్నారు. అయితే సెకండ్ ఇన్నింగ్స్ లో ఇప్పటివరకు పోషించిన పాత్రలతో పోలిస్తే భిన్నమైన పాత్రలో జగపతిబాబు నటిస్తున్నారని తెలుస్తోంది.
ఈ సినిమాలో అలనాటి నటి రంభ ఫ్యాన్ గా జగపతి బాబు నటిస్తున్నారని సమాచారం. జగపతిబాబు, రంభ హీరోహీరోయిన్లుగా కొన్ని సినిమాల్లో నటించిన సంగతి తెలిసిందే. అయితే మహాసముద్రం సినిమాలో రంభ నటించకపోయినా ఫ్లెక్సీలలో కనిపిస్తారని సమాచారం. రంభ ఫ్లెక్సీలు, ఫోటోలతో వేసిన సెట్ లో అజయ్ భూపతి జగపతి బాబుపై ఒక స్పెషల్ సాంగ్ ను షూట్ చేసినట్టు తెలుస్తోంది. హీరోయిన్ రంభ అనుమతి తీసుకుని అజయ్ భూపతి ఈ సాంగ్ ను చిత్రీకరించినట్లు సమాచారం.
ఈ ఏడాది ఆగష్టు 19వ తేదీన మహాసముద్రం సినిమా రిలీజ్ కానుంది. పుష్ప రిలీజైన కొన్ని రోజులకే మహాసముద్రం సినిమా రిలీజ్ కానుండటం గమనార్హం. రామబ్రహ్మం సుంకర నిర్మాతగా ఏకె ఎంటర్టైన్మెంట్స్ బ్యానర్ పై ఈ సినిమా తెరకెక్కుతోంది. ఒక వర్గం ప్రేక్షకుల్లో మహాసముద్రం సినిమాపై భారీగా అంచనాలు నెలకొన్నాయి. తొలి సినిమా సక్సెస్ సాధించినా చాలామంది టాలీవుడ్ డైరెక్టర్లు రెండో సినిమా హిట్ సాధించలేకపోయారు. అజయ్ భూపతి రెండో సినిమాతో హిట్ సాధిస్తారో లేదో చూడాల్సి ఉంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home
