చరణ్ కి విలన్ గా జగపతిబాబు ఫిక్స్

మెగా పవర్ స్టార్ రామ్ చరణ్ తేజ్ ధృవ సినిమా తర్వాత  సుకుమార్ దర్శకత్వంలో సినిమా చేస్తున్నారు. పక్కా గ్రామీణ నేపథ్యంలో సాగే ఈ కథలో చెర్రీ  పల్లెటూరి కుర్రోడిగా కనిపించబోతున్నారు. రేపల్లె అనే  టైటిల్ ని పరిశీలిస్తున్న ఈ చిత్రం ప్రస్తుతం రాజమండ్రిలోని ఓ అందమైన ప్రాంతంలో షూటింగ్ జరుపుకుంటోంది.  మైత్రి మూవీ మేకర్స్ వారు నిర్మిస్తున్న ఈ సినిమాలో విలన్ గా జగపతిబాబు నటిస్తున్నట్లు తెలిసింది. సుకుమార్ గత చిత్రం నాన్నకు ప్రేమతో లో జగపతిబాబు స్టైలిష్ నెగిటివ్ రోల్ పోషించి ఆకట్టుకున్నారు. ఆ మూవీ సూపర్ హిట్ కావడంతో ఇందులోనూ విలన్ గా అతన్నే పెట్టుకున్నట్లు సమాచారం.

తొలిసారిగా చెర్రీ పక్కన సమంత హీరోయిన్ గా నటిస్తున్న ఈ చిత్రంలో అది పినిశెట్టి, అనసూయ తదితరులు కీలక పాత్రలు పోషించనున్నారు. ఈ సినిమాకి దేవీ శ్రీ ప్రసాద్ సంగీతాన్ని అందిస్తుండగా, రత్నవేలు సినిమాటోగ్రాఫర్ గా వ్యవహరిస్తున్నారు. 1980 నాటి ప్రేమకథను సుకుమార్ ఏ విధంగా ఆవిష్కరిస్తారోనని అందరూ ఆసక్తిగా ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.