ముస్తాబవుతున్న జై లవ కుశ రెండో టీజర్

బాబీ దర్శకత్వంలో ఎన్టీఆర్ చేస్తున్న సినిమా జై లవకుశ టీజర్ గతవారం రిలీజ్ అయి విశేషంగా ఆకట్టుకుంటోంది. తొలిసారి తారక్ త్రిపాత్రాభినయం చేస్తున్నఇందులోని నెగటివ్ క్యారక్టర్ అయిన జై కి సంబంధించిన టీజర్ లో ఎన్టీఆర్ నటన అదరహో అనిపిస్తోంది. ఈ వీడియో యూ ట్యూబ్ చానెల్లో ఆరు రోజుల్లో 10 మిలియన్ల వ్యూస్ దక్కించుకొని ఔరా అనిపించుకుంది. ఈ చిత్రంలోని మరో రెండు పాత్రలకు సంబందించిన టీజర్లు కూడా రిలీజ్ కానున్నాయి. అందులో మొదటిగా లవకుమార్ టీజర్ రానున్నట్లు తెలిసింది.

ఇది రాముడి లాంటి పాత్ర అని ఈ టీజర్ ద్వారా చెప్పనున్నారు. ఈ నెల చివరి వారంలో లవ టీజర్ రిలీజ్ చేయడానికి చిత్ర బృందం కష్టపడుతోంది. ఇప్పటికే టీజర్ కట్ పూర్తి అయిందని, దానికి మ్యూజిక్ కంపోజ్ చేసే పనిలో దేవీశ్రీ ప్రసాద్ నిమగ్నమయినట్లు సమాచారం. కుశకు సంభందించిన టీజర్ వచ్చే నెల విడుదల చేస్తారు. ఎన్టీఆర్ ఆర్ట్స్ బ్యానర్లో వందకోట్ల బడ్జెట్ తో కళ్యాణ్ రామ్ నిర్మిస్తున్న ఈ సినిమా సెప్టెంబర్ 21 న థియేటర్లలో రానుంది.

Also, do SUBSCRIBE to our YouTube channel to get latest Tollywood updates.