రేపే జక్కన్న ఆడియో విడుదల

మర్యాద రామన్నగా టాలీవుడ్లో పేరు తెచ్చుకున్న నటుడు సునీల్. పూలరంగడులో సిక్స్ ప్యాక్ తో యాక్షన్ హీరోగా పేరు తెచ్చుకున్నాడు. ఆ తర్వాత హిట్ ఫార్ములాతో సునీల్ “జక్కన్న”గా మనముందుకురాబోతున్నాడు.

ఇందులో సునీల్ సరసన మన్నారా చోప్రా నటిస్తోంది. ప్రేమ‌ క‌థా చిత్ర‌మ్ వంటి చిత్రాన్ని మనకు అందించిన ఆర్.పి.ఎ.క్రియేషన్స్ బ్యానర్ ఈ సినిమాను నిర్మిస్తోంది. ద‌ర్శ‌కుడు వంశీ కృష్ణ అకెళ్ళతెరకెక్కించిన ఈ సినిమా టీజర్ కొన్ని రోజుల క్రితం విడుదలై సునీల్ అభిమానులను విశేషంగా ఆకట్టుకుంది. ఈ మూవీకి దినేష్ సంగీతాన్ని సమకూర్చారు. ఆయన స్వరపరచిన గీతాలను రేపు (జూన్ 24) విడుదల చేయనున్నారు. ఈ సందర్భంగా నిర్మాత ఆర్. సుదర్శన్ రెడ్డి మాట్లాడుతూ జక్కన్న లో సునీల్ ఓ వైపు అదిరిపోయే ఫైట్లు చేస్తూనే మరో వైపు తన కామెడీ టైమింగ్ తో భలే నవ్విస్తాడని చెప్పారు.

సప్తగిరి, సునీల్ కాంబినేషన్లో వచ్చే సన్నివేశాలు నవ్వులు పూయిస్తాయన్నారు. సంగీత దర్శకుడు దినేష్ సునీల్ డ్యాన్స్ టాలెంట్ ని దృష్టిలో ఉంచుకుని మంచి ఊపున్న పాటలను అందించారని తెలిపారు. ఈ చిత్రాన్ని జులై లో విడుద‌ల చేయ‌టానికి ప్లాన్ చేస్తున్నట్లు నిర్మాత వెల్లడించారు.