Janhvi Kapoor, Khushi Kapoor: కరోనా చాలా విషయాలు నేర్పింది: జాన్వి

March 7, 2022 / 12:44 PM ISTByFilmy Focus

Join Us

Janhvi Kapoor, Khushi Kapoor: కరోనా చాలా విషయాలు నేర్పింది: జాన్వి

స్టార్‌ హీరో / స్టార్‌ హీరోయిన్‌ వారసులుగా ఇండస్ట్రీలో అడుగుపెట్టడం సులభం కావొచ్చు. కానీ ఆ వారసత్వాన్ని నిలబెట్టుకోవడం, ప్రేక్షకుల అంచనాల్ని అందుకోవడం చాలా కష్టం. అలా వారసురాలిగా వచ్చి… ఇప్పుడిప్పుడే నిలదొక్కుకుంటోంది జాన్వీ కపూర్‌. అతిలోక సుందరి శ్రీదేవి తనయగా బాలీవుడ్‌లో అడుగుపెట్టిన ఈ అందం… వరుస సినిమాలు చేస్తోంది. అయితే ఎక్కడా సేఫ్‌ జోన్‌లోకి వెళ్లే ప్రయత్నం చేయడం లేదు. వైవిధ్యమైన పాత్రలతోనే ప్రయాణం సాగిస్తోంది. ఇటీవల తిరుమలకు విచ్చేసింది.

ఈ సందర్భంగా ఆమె కొన్ని ఆసక్తికర విషయాలు చెప్పుకొచ్చింది. ‘ధడక్‌’ చిత్రంతో కథానాయికగా కెరీర్‌ను బాలీవుడ్‌లో ప్రారంభించింది జాన్వీ కపూర్‌. అప్పటి నుండి తెలుగులో సినిమా చేస్తుంది అంటూ వార్తలు వస్తున్నాయి కానీ… ఎక్కడా దానిపై క్లారిటీ రావడం లేదు. ఈ విషయం పక్కనపెట్టి ఆమె తిరుమల పర్యటన గురించి ఆమె మాటల్లోనే విందాం. ఈ ఏడాది పుట్టినరోజు ప్రత్యేకత తిరుమల ఏడు కొండల స్వామిని కాలినడకన దర్శించుకోవడమే అని చెప్పింది.

ప్రజలు కరోనా మహమ్మారి నుండి బయటపడి ఇప్పుడిప్పుడే ఊపిరిపీల్చుకుంటున్న తరుణంలో స్వామివారి ఆశీస్సులు తీసుకుంటే మంచిది అనిపించి వచ్చాను అని చెప్పింది. అంతేకాదు తిరుమల క్షేత్రం అమ్మకు చాలా ఇష్టం అని కూడా చెప్పింది జాన్వీ. పరిశ్రమలోకి అడుగుపెట్టి నాలుగేళ్లు అయ్యాయి . ఈ క్రమంలో చాలామంది నుండి చాలా విషయాలు నేర్చుకున్నాను. నేనేదో గొప్పగా సాధించేశాను అని చెప్పను కానీ… నటిగా, వ్యక్తిగా మాత్రం ఎదిగాను. కరోనా నాకు చాలా విషయాలు నేర్పించింది అని చెప్పింది జాన్వీ.

మీ తర్వాత మీ సోదరి ఖుషీ కపూర్‌ నటిగా ఎంట్రీ ఇస్తున్నారు కదా… ఏమైగా గైడెన్స్‌ ఇస్తున్నారా అనడిగితే… ఆమెకు ఆ అవసరం లేదు అని చెప్పింది. నిజం చెప్పాలంటే పరిస్థితులను డీల్‌ చేయడంలో, మానసిక పరిపక్వత విషయంలో ఖుషీ నాకు అక్క. అంత మెచ్యూర్‌గా ఆలోచిస్తుంది. పరిస్థితులు బాగా డీల్‌ చేస్తుంది అని చెప్పింద జాన్వీ. ఇక జాన్వీ సినిమాల గురించి చూస్తే… ‘మిలీ’, ఆనంద్‌ ఎల్‌ రాయ్‌ ‘గుడ్‌ లఖ్‌ జెర్రి’, ‘మిస్టర్‌ అండ్‌ మిసెస్‌ మహి’ లో నటిస్తోంది.