లగ్జరీ ఇంటిని సొంతం చేసుకున్న జాన్వీ!

దివంగత నటి శ్రీదేవి పెద్ద కూతురు జాన్వీ కపూర్ ‘ధ‌డ‌క్’ సినిమాతో హీరోయిన్ గా ఎంట్రీ ఇచ్చిన సంగతి తెలిసిందే. మొదటి సినిమాతో సక్సెస్ అందుకున్న ఈ బ్యూటీ భిన్నమైన కథలను ఎన్నుకుంటూ ముందుకు సాగుతోంది. ఆ మధ్య కోట్ల రూపాయలు విలువ చేసే ఖరీదైన కారుని కొనుక్కొని వార్తల్లో నిలిచింది ఈ భామ. ఇప్పుడు ఓ లగ్జరీ ఇంటిని కొనుగోలు చేసినట్లు తెలుస్తోంది. ఆ ఇంటి ఖరీదు ఏకంగా రూ.39 కోట్లు అని తెలుస్తోంది. దీనికి సంబంధించిన స్టాంప్ డ్యూటీ కిందే రూ.78 లక్షల రూపాయల చెల్లింపులు జరిగినట్లుగా తెలుస్తోంది.

గత ఏడాదే ఈ ఇంటి కొనుగోలుకు సంబంధించిన ప్రతిపాదనలు రెడీ కాగా.. ప్రస్తుతం రిజిస్ట్రేషన్ జరిగినట్లుగా తెలుస్తోంది. ముంబైలోని జుహూ ప్రాంతంలో ఈ మల్టీ ఫ్లోర్స్ బిల్డింగ్ ను కొనుగోలు చేసింది జాన్వీ కపూర్. ఇదే ఏరియాలో చాలా మంది బాలీవుడ్ స్టార్లకు లగ్జరీ బిల్డింగ్స్ ఉన్నాయి. బాలీవుడ్ తారలకు ఈ తరహాలో ఇళ్లను కొనుగోలు చేయడం పెద్ద విషయమేమీ కాదు. ఇప్పుడు జాన్వీ కూడా విలాసవంతమైన ఇంటిని సొంతం చేసుకుంది.

మొదటి సినిమా రిలీజ్ కాకముందే జాన్వీకి చాలా అవకాశాలు వచ్చాయి. తన గ్లామర్ తో యూత్ ని కట్టిపడేస్తుంది. సినిమాలతో పాటు ఎండోర్స్ మెంట్ ఒప్పందాలతో కూడా భారీగా సంపాదిస్తోంది. అలా సంపాదించిన మొత్తాన్ని తెలివిగా ఇన్వెస్ట్ చేస్తోంది. 23 ఏళ్లలోనే జాన్వీ ఈ రేంజ్ లో ఇన్వెస్ట్మెంట్స్ చేస్తుందంటే ఫ్యూచర్ లో మరిన్ని ఆస్తులను కొనుగోలు చేస్తుందేమో చూడాలి!

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!