‘లైగర్‌’ అయిపోయింది… ఇప్పుడు అంతా ‘జగ గణ మన’ ముచ్చట్లే చెప్పుకుంటున్నారు. పూరి జగన్‌ – విజయ్‌ దేవరకొండ కాంబినేషన్‌లో ఈ సినిమా రూపొందనుందనేది అనధికారిక సమాచారం. ‘లైగర్‌’ తర్వాత ‘జన గణ మన’ అంటూ పూరి ఇన్‌డైరెక్ట్‌గా వాయిస్‌ మెసేజ్‌లో చెప్పేశారు. కానీ ఎక్కడా అఫీషియల్‌ కాదు. అయితే మరోవైపు ‘జన గణ మన’ పనులు అయితే ఫుల్‌ స్పీడ్‌లో సాగిపోతున్నాయని సమాచారం. తాజాగా సినిమాకు సంబంధించి మరికొన్ని విషయాలు బయటికొచ్చాయి. అందులో హీరోయిన్ సంగతి ఒకటి.
విజయ్‌ దేవరకొండతో జాన్వీ కపూర్‌ అంటూ… గత కొన్నేళ్లుగా ఈ మాట వింటూనే ఉన్నాం. ఆ మధ్య ఓసారి జాన్వీ కపూర్‌ కూడా ఈ మాట చెప్పింది. విజయ్‌తో కలసి నటించాలనే తన కోరిక వెలిబుచ్చింది. దీంతో విజయ్‌ సినిమా చర్చకు వచ్చిన ప్రతిసారి ఆమె పేరు ఆటోమేటిగ్గా పరిశీలనకు తీసేసుకుంటున్నారు. దీంతో ఇప్పుడు ‘జన గణ మన’ కోసం కూడా ఆమె పేరు వినిపిస్తోంది. ‘జన గణ మన’ను పాన్‌ ఇండియా లెవల్‌లో తెరకెకక్కిస్తారని ప్రత్యేకంగా చెప్పక్కర్లేదు. దీంతో ఈ సినిమాలో బాలీవుడ్‌ హీరోయిన్ పక్కా అంటున్నారు.
బాలీవుడ్‌ హీరోయిన్, విజయ్‌ దేవరకొండ… ఇలా రెండూ కలవడంతో జాన్వీ కపూర్‌ టాలీవుడ్ ఎంట్రీ ఈ సినిమాతోనే అంటున్నారు. దీనికి తగ్గట్టే మొన్నీమధ్య బోణీ కపూర్‌ మాట్లాడుతూ ‘జాన్వీ తెలుగులో నటిస్తుంది’ అనే అర్థం వచ్చేలా మాట్లాడారు. ఈ సినిమా గురించే బోణీ మాట్లాడారు అనేది టాక్‌. అయితే కొందరేమో ఎన్టీఆర్‌ సినిమా గురించి బోణీ అలా అన్నారని అంటున్నారు. దీంతో ‘జన గణ మన’లో జాన్వీ ఉందా లేదా అనేది తెలియడం లేదు. ‘లైగర్‌’ విషయంలోనూ ఇలానే జరిగింది.
‘లైగర్‌’లో తొలుత నాయికగా జాన్వీ కపూర్‌ అనే అనుకున్నారు. అయితే డేట్స్‌ సర్దుబాటు కాలేదంటూ అనన్య పాండేను తీసుకున్నారు. ఇప్పడు ‘జన గణ మన’ విషయంలో ఏం జరుగుతుందో చూడాలి. అన్నట్లు ఈ సినిమా కోసం లొకేషన్ల వేట జరుగుతోందట. నిర్మాత ఛార్మి దీని కోసం మొరాకో వెళ్లారని సమాచారం. ‘జగ గణ మన’ విషయంలో డేట్స్‌, రెమ్యూనరేషన్‌ విషయంలోనే చర్చలు ఆగాయట. అవి ఓకే అయితే జాన్వీ రెడీ.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home