‘అర్జున్ రెడ్డి’ టైం నుండీ జాన్వీ కపూర్ టాలీవుడ్ ఎంట్రీ ఇవ్వబోతుంది అనే వార్తలు మొదలయ్యాయి. అందులోనూ విజయ్ దేవరకొండ తో జాన్వీ కపూర్ నటిస్తున్నట్టు కూడా వార్తలు అప్పటినుండే మొదలయ్యాయి. ‘వరల్డ్ ఫేమస్ లవర్’ ‘డియర్ కామ్రేడ్’ వంటి చిత్రాల్లో మొదట జాన్వీ కపూర్ హీరోయిన్ అంటూ ప్రచారం జరిగింది.కానీ అదేమి జరగలేదు. ఆమెను టాలీవుడ్ కు పరిచయం చేయాలి అనే ఇంటెన్షన్ బోణి కపూర్ కు ఎక్కువగానే ఉంది.
శ్రీదేవి బ్రతికున్న రోజుల్లో కూడా ఈ విషయాన్ని ఎక్కువగా ప్రస్తావించేవారు అని ఆయన పలు సందర్భాల్లో చెప్పుకొచ్చారు. ‘అరవింద సమేత’ ‘అల వైకుంఠపురములో’ చిత్రాల్లో కూడా జాన్వీ కపూర్ ను ఎంపిక చేసుకోవడానికి ప్రయత్నాలు జరిగినట్లు వార్తలు వచ్చాయి. మహేష్ తో త్రివిక్రమ్ చేయబోయే మూవీకి కూడా ఈమెను ఎంపిక చేసుకోవాలనే ప్రయత్నాలు జరిగినట్లు వార్తలు వచ్చాయి. కానీ పూజా హెగ్డేనే త్రివిక్రమ్ ఫైనల్ చేశారు. ఫైనల్ గా పూరి జగన్నాథ్ ఈమెను టాలీవుడ్ కు పరిచయం చేయబోతున్నట్లు తెలుస్తుంది.
‘లైగర్’ తర్వాత పూరి జగన్నాథ్ విజయ్ దేవరకొండ తో ‘జెజియం’ (జన గణ మన) అనే పాన్ ఇండియా చిత్రాన్ని తెరకెక్కించబోతున్న సంగతి తెలిసిందే. ఇటీవల ముంబైలో ఈ చిత్రం గ్రాండ్ గా లాంచ్ అయ్యింది. హీరోయిన్ గా జాన్వీ కపూర్ ను ఫిక్స్ చేసినట్లు తెలుస్తుంది. దీని వెనుక కరణ్ జోహార్ హస్తం ఉన్నట్లు కూడా వినికిడి. అక్కడి స్టార్ కిడ్స్ ను ఎక్కువగా ఆయనే లాంచ్ చేస్తూ ఉంటారు.
హిందీలో జాన్వీని లాంచ్ చేసింది కూడా ఆయనే. ఇప్పుడు ఆమెను టాలీవుడ్లో లాంచ్ చేయడానికి హెల్ప్ చేస్తుంది కూడా కరణే అని స్పష్టమవుతుంది..! అయితే దీనిపై అధికారిక ప్రకటన రావాల్సి ఉంది.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
