జానీ మాస్టర్ (Jani Master) కేస్ విషయంలో జరుగుతున్న రచ్చ ఓ కొలిక్కి వచ్చింది. గత అయిదు రోజులుగా జానీ మాస్టర్ పోలీసులకు దొరక్కుండా తప్పించుకు తిరుగుతుండగా.. ఇవాళ (సెప్టెంబర్ 19) ఉదయం బెంగుళూరులో రెడ్ హ్యాండెడ్ గా పట్టుకున్నారు. విదేశాలకు పారిపోవడానికి వేరే పేరు మీద జానీ మాస్టర్ ప్లాన్ చేస్తుండగా.. ఈ విషయం తెలుసుకున్న పోలీసులు అతడ్ని అరెస్ట్ చేశారు. మైనర్ అయిన లేడీ కొరియోగ్రాఫర్ పై లైంగిక వేధింపుల కేసులో ఏకంగా పోక్సో కేసు నమోదు అవ్వడంతో..
అతడిపై కేసు చాలా సీరియస్ అయ్యింది. పోలీస్ యంత్రాంగంపై కూడా ప్రెజర్ పెరిగింది. మీడియా & ప్రజల్లో ఈ కేస్ విషయమై సీరియస్ నెస్ కూడా పెరగడంతో, పోలీసులు అప్రమత్తమై జానీ కోసం నాలుగు టీములుగా వేతికి ఎట్టకేలకు ఇవాళ ఉదయం బెంగళూరులో అరెస్ట్ చేసి.. ప్రస్తుతం హైదరాబాద్ తీసుకొస్తున్నారు. ఇక్కడ కోర్టులో ప్రవేశపెట్టి విచారణ ప్రారంభిస్తారు. విచారణలో తేలే విషయాల బట్టి శిక్ష ఎంత సీరియస్ గా ఉంటుంది అనేది తెలుస్తుంది.
జానీ తప్పు చేశాడా లేదా? అసలు అమ్మాయి ఇప్పుడే ఎందుకు కంప్లైంట్ ఇచ్చింది? ఈ విషయంలో కొందరు ఎందుకు సైలెంట్ గా ఉన్నారు? వంటి ప్రశ్నలకు సమాధానం మరికొద్ది రోజుల్లో వస్తుంది. ఇకపోతే.. 21 ఏళ్ల లేడీ కొరియోగ్రాఫర్ కు ఇండస్ట్రీ నుండి మంచి సపోర్ట్ లభిస్తోంది. ఆమె కెరీర్ కు, జీవితానికి ఇలాంటి ఢోకా లేకుండా ఫిలిం ఛాంబర్ & మా అసోసియేషన్ జాగ్రత్తలు తీసుకుంటున్నారు.
Home