టెంపర్, నాన్నకు ప్రేమతో చిత్రాల తర్వాత హ్యాట్రిక్ అందుకోవాలని కసితో యంగ్ టైగర్ ఎన్టీఆర్ చేస్తున్న చిత్రం జనతా గ్యారేజ్. హిట్ దర్శకుడు కొరటాల శివ దర్శకత్వంలో తెరకెక్కుతున్న ఈ సినిమా షూటింగ్ తుది దశకు చేరుకుంది. తారక్ డాన్సులను అదరగొడుతాడు. ఆ సంగతి తెలిసిన రాక్ స్టార్ దేవి శ్రీ ప్రసాద్ ఆయన ఉత్సాహాన్ని రెట్టింపు చేసే పాటలను అందించారట. హుషారైన పాటలకు మరింత వేగంగా ఎన్టీఆర్ స్టెప్స్ వేసి యూనిట్ సభ్యులను ఆశ్చర్యానికి గురిచేస్తున్నాడని సమాచారం.
జనతా గ్యారేజ్ లో రెండు పాటలు, కొన్ని యాక్షన్ సీన్లు షూటింగ్ చేయాల్సి ఉంది. వీటిలో ఒక పాట చిత్రీకరణ కోసం చిత్ర బృందం కేరళకు వెళ్ళింది. అక్కడ లొకేషన్లలో నేటి(సోమవారం) నుంచి షూటింగ్ మొదలు పెట్టారు. జానీ మాస్టర్ కొరియోగ్రఫీ చేస్తున్నారు. మాస్టర్ స్టెప్ వేసి చూపించే లోపున తారక్ వేసేస్తున్నాడని, అతని స్పీడ్ చూసి ముద్దుగా ఎన్టీఆర్ ని 5 జీ స్పీడ్ అని జానీ పేరు పెట్టాడంట. ఈ విషయాన్ని చిత్ర బృందం తెలిపింది. కొన్ని రోజుల పాటు కేరళలో పాట చిత్రీకరణ పూర్తి చేసి కొరటాల టీమ్ విదేశాలకు వెళ్లనుంది. పూర్తి మాస్ ఎంటైర్ టైనర్ గా తెరకెక్కుతున్న ఈ సినిమాలో సమంత, నిత్యా మీనన్ లతో పాటు కాజల్ ప్రత్యేక పాటలో నర్తించనుంది. మలయాళం సూపర్ స్టార్ మోహన్ లాల్ కీలక పాత్ర పోషిస్తున్న ఈ సినిమా సెప్టెంబర్ 2న విడుదల కానుంది.
Home