Jathi Ratnalu: బుల్లితెర పై మంచి టి.ఆర్.పి రేటింగ్ ను సాధించిన ‘జాతి రత్నాలు’

కామెడీ సినిమాలకి చాలా వరకు కాలం చెల్లిపోయినప్పటికీ.. ఈ పాండమిక్ టైములో ప్రేక్షకులకు బోలెడంత వినోదాన్ని పంచిన చిత్రం ‘జాతి రత్నాలు’. నవీన్ పోలిశెట్టి – రాహుల్ రామకృష్ణ – ప్రియదర్శి వంటి వారు ప్రధాన పాత్రలు పోషించిన ఈ చిత్రాన్ని… కె.వి.అనుదీప్ దర్శకత్వం వహించాడు.’మహానటి’ దర్శకుడు నాగ్ అశ్విన్ ఈ చిత్రానికి నిర్మాత. ఫరియా అబ్దుల్లా హీరోయిన్‌గా నటించిన ఈ చిత్రం మార్చి 11న విడుదలైంది.

చట్టాలు, కోర్టులు వంటి వాటి గురించి ఏం తెలియని ఓ ముగ్గురు అమాయకపు కుర్రాళ్ళు ఓ సీరియస్‌ క్రైమ్‌లో చిక్కుకుంటే ఎలా ఉంటుంది? వాళ్ళు ఆ కేసు నుండీ ఎలా బయటపడ్డారు? అనే ధీమ్ తో… ఆద్యంతం వినోదాత్మకంగా తెరకెక్కిన ఈ చిత్రం బాక్సాఫీస్ వద్ద బ్లాక్ బస్టర్ గా నిలిచింది. పెట్టిన బడ్జెట్ కు 4 ఇంతల లాభాలను అందించింది ఈ చిత్రం. ఓటిటిలో కూడా ఈ చిత్రం మంచి ఫలితాన్నే అందుకుంది. ఇక కాస్త ఆలస్యంగా టీవీల్లో టెలికాస్ట్ అయినప్పటికీ.. ఇక్కడ కూడా మంచి విజయాన్ని సాధించింది ఈ చిత్రం.

ఆగష్ట్ 15న ఈ చిత్రం ప్రీమియర్ జెమినీ టీవీలో టెలికాస్ట్ అవ్వగా.. 10.21 టి.ఆర్.పి రేటింగ్ ను నమోదు చేసింది. ఇంకాస్త ముందుగా ‘జాతి రత్నాలు’ ను టెలికాస్ట్ చేసుంటే..వారికి ఇంకా ఎక్కువ టి.ఆర్.పి దక్కి ఉండేది..! అయినప్పటికీ ఇది మంచి టి.ఆర్.పి నే..! మరోపక్క ఈ చిత్రంలోని ‘చిట్టి నీ నవ్వుంటే’ అనే పాట యూట్యూబ్ లో 100 మిలియన్ వ్యూస్ ను కొల్లగొట్టడం మరో విశేషం.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!