Jayam Ravi : సింగర్ కేనీషా ఇన్ స్టా పోస్ట్ వైరల్.. జయం రవికి బ్రేకప్ చెప్పినట్టేనా ?

కోలీవుడ్‌లో గత కొన్ని నెలలుగా హాట్ టాపిక్‌గా మారిన జయంరవి – కేనీషా వ్యవహారం ఇప్పుడు మరోసారి సోషల్ మీడియాలో చర్చనీయాంశమైంది. తాజాగా కేనీషా ఫ్రాన్సిస్ తన సోషల్ మీడియా అకౌంట్‌లో షేర్ చేసిన ఎమోషనల్ పోస్ట్ ఇప్పుడు నెటిజన్స్ దృష్టిని ఆకర్షిస్తోంది. ఆ పోస్ట్ చూసిన తర్వాత వీరిద్దరి మధ్య దూరం పెరిగిందా? అనే సందేహాలు వ్యక్తమవుతున్నాయి.

Jayam Ravi

గత కొంతకాలంగా జయం రవి వ్యక్తిగత జీవితం వార్తల్లో నిలుస్తున్న సంగతి తెలిసిందే. ఆయన వైవాహిక జీవితానికి సంబంధించిన వివాదాల సమయంలో కేనీషా ఫ్రాన్సిస్ పేరు కూడా సోషల్ మీడియాలో బలంగా వినిపించింది. అయితే ఆ సమయంలో కేనీషా, తాను కేవలం స్నేహితురాలిగా మరియు ఆధ్యాత్మికంగా మద్దతు ఇచ్చే వ్యక్తిగానే ఆయనకు దగ్గరయ్యానని వివరణ ఇచ్చారు.

ఇప్పుడు తాజాగా ఆమె చేసిన పోస్ట్ మాత్రం అభిమానుల్లో కొత్త చర్చకు దారి తీసింది. జీవితంలో ఎంతో ప్రేమ, నమ్మకంతో ముందుకు వెళ్లానని, కానీ చివరకు మౌనంగా దూరమవుతున్నానని ఆమె పేర్కొనడం వైరల్‌గా మారింది. అలాగే సోషల్ మీడియా ట్రోలింగ్, నెగెటివిటీ తనను తీవ్రంగా బాధించాయని కూడా ఆమె భావోద్వేగంగా రాసుకొచ్చారు. అంతేకాదు, చెన్నై నగరాన్ని వదిలి వెళ్లిపోవాలని నిర్ణయించుకున్నట్లు, కొంతకాలం సోషల్ మీడియాకు కూడా దూరంగా ఉండబోతున్నట్లు ఆమె వెల్లడించినట్టు సమాచారం. ఈ వ్యాఖ్యలతో నెటిజన్స్ వీరిద్దరి బంధంపై మరిన్ని ఊహాగానాలు మొదలుపెట్టారు.

అయితే ఈ మొత్తం వ్యవహారంపై జయం రవి ఇప్పటివరకు ఎలాంటి అధికారిక స్పందన ఇవ్వలేదు. దీంతో సోషల్ మీడియాలో వస్తున్న వార్తలు మరింత వైరల్ అవుతున్నాయి. మొత్తానికి, కేనీషా చేసిన ఈ ఎమోషనల్ పోస్ట్ కోలీవుడ్‌లో మరోసారి పెద్ద చర్చకు దారి తీసింది. నిజంగా వీరిద్దరి మధ్య దూరం ఏర్పడిందా? లేక ఇది కేవలం వ్యక్తిగత నిర్ణయమేనా? అన్నది మాత్రం ఇంకా క్లారిటీ రావాల్సి ఉంది.

Peddi : పెద్ది ప్రమోషన్స్ కి దూరంగా జాన్వీ కపూర్.. అసలు ఏం జరుగుతోంది ?