Jeeva: ఏపీ సీఎం వైఎస్ జగన్ పాత్రలో జీవా మెప్పించడం ఖాయమేనా?

September 25, 2023 / 03:38 PM ISTByFilmy Focus

Join Us

Jeeva: ఏపీ సీఎం వైఎస్ జగన్ పాత్రలో జీవా మెప్పించడం ఖాయమేనా?

ఆంధ్రప్రదేశ్ రాష్ట్రంలో ఎన్నికల హవా మొదలైంది. 2024 ఎన్నికలకు ఆరు నెలల సమయం ఉండటంతో ఎలక్షన్ బ్యాక్ డ్రాప్ సినిమాలు ఎక్కువగా తెరకెక్కుతున్నాయి. యాత్ర సినిమాకు సీక్వెల్ గా యాత్ర2 సినిమా తెరకెక్కుతుండగా సీఎం జగన్ పాత్రలో తమిళ నటుడు జీవా కనిపించనున్నారు. ఇందుకు సంబంధించిన ఒక వీడియో సోషల్ మీడియా వేదికగా తెగ వైరల్ అవుతుండగా ఆ వీడియో ఆకట్టుకుంటోంది. ఏపీ సీఎం వైఎస్ జగన్ పాత్రలో జీవా మెప్పించడం ఖాయమేనని నెటిజన్ల నుంచి అభిప్రాయాలు వ్యక్తమవుతున్నాయి.

జీవా లుక్ పర్ఫెక్ట్ గా సూట్ అయిందని నెటిజన్లు కామెంట్లు చేస్తున్నారు. ఈ సినిమా రిలీజ్ డేట్ కు సంబంధించి క్లారిటీ రావాల్సి ఉంది. వచ్చే ఏడాది ఫిబ్రవరిలో ఈ సినిమా రిలీజయ్యే అవకాశాలు ఉన్నాయి. మహి వి రాఘవ్ ఈ సినిమాకు దర్శకత్వం వహిస్తుండటం గమనార్హం. యాత్ర సినిమా సక్సెస్ సాధించగా యాత్ర2 అదే మ్యాజిక్ రిపీట్ చేస్తుందేమో చూడాలి.

యాత్ర2 సినిమా ఒకింత భారీ బడ్జెట్ తో తెరకెక్కుతోంది. యాత్ర2 సినిమా కమర్షియల్ గా హిట్టవుతుందో లేదో చూడాల్సి ఉంది. వీ సెల్యులాయిడ్స్, త్రీ ఆటమ్ లీవ్స్ బ్యానర్ కలిసి ఈ సినిమాను నిర్మిస్తున్నాయి. సంతోష్ నారాయణ్ ఈ సినిమాకు మ్యూజిక్ అందిస్తున్నారు. శరవేగంగా ఈ సినిమా షూటింగ్ ను పూర్తి చేయనున్నారని సమాచారం అందుతోంది. ప్రభాస్ ప్రాజెక్ట్ కే సినిమాకు కూడా సంతోష్ నారాయణ్ మ్యూజిక్ అందిస్తున్నారు.

2024 ఎన్నికలు లక్ష్యంగా మరికొన్ని సినిమాలు సైతం తెరకెక్కుతుండగా ఈ సినిమాలలో ఏ సినిమా ఎలాంటి ఫలితాన్ని అందుకుంటుందో చూడాలి. ఆర్జీవీ వ్యూహం, వ్యూహం2 పేర్లతో రెండు సినిమాలను తెరకెక్కిస్తుండగా ఈ సినిమాలు ఎలాంటి ఫలితాలను అందుకుంటాయో చూడాల్సి ఉంది. యాత్ర2 సినిమాలో ఇతర పాత్రలలో నటించే నటీనటులకు సంబంధించి స్పష్టత రావాల్సి ఉంది.