Jeevitha Rajasekhar: మా ఎన్నికల్లో జీవిత రాజశేఖర్

June 23, 2021 / 10:48 AM ISTByFilmy Focus

Join Us

Jeevitha Rajasekhar: మా ఎన్నికల్లో జీవిత రాజశేఖర్

టాలీవుడ్ ఇండస్ట్రీలో మరోసారి ఎన్నికల హడావుడి మొదలైంది. నరేష్ ప్యానెల్ గడువు ముగియడంతో మరో కొత్త ప్యానల్ కోసం ఎన్నికలు నిర్వహించేందుకు సిద్దమయ్యారు. ఇక అధ్యక్ష పదవి కోసం ఇప్పటికే మంచు విష్ణు పోటీకి సిద్దమైన విషయం తెలిసిందే. తండ్రితో సూపర్ స్టార్ కృష్ణను కలిసిన విష్ణు అప్పుడే మద్దతు కోసం రాజకీయాలు మొదలు పెట్టారు. మరోవైపు నరేష్ కూడా సపోర్ట్ చేస్తున్నారు. మరొక పోటీదారుడిగా ఉన్న సీనియర్ టాలెంటెడ్ యాక్టర్ ప్రకాష్ రాజ్

కూడా అదే తరహాలో ఇతర నటీనటుల మద్దతుల కోసం ప్రయత్నాలు చేస్తున్నాడు. ఇప్పటికే మెగాస్టార్ చిరంజీవిని కలిసిన ప్రకాష్ రాజ్ మెగా ఫ్యామిలీ మద్దతు లభిస్తుందని నమ్మకంతో ఉన్నాడు. అయితే ఈ క్రమంలో సీనియర్ హీరోయిన్ జీవిత కూడా ప్యానెల్ అధ్యక్ష పోటీకి సిద్ధమవుతున్నట్లు తెలుస్తోంది. ప్రస్తుతం ప్యానెల్ లో హీరో రాజశేఖర్ ఎగ్జిక్యూటివ్‌ ప్రెసిడెంట్ గా ఉండగా జీవిత సరాసరి మా అధ్యక్ష పదవికి సిద్ధమైనట్లు తెలుస్తోంది.

నరేష్ – రాజశేఖర్ మధ్యలో కొన్ని మనస్పర్థలు వచ్చిన విషయం తెలిసిందే. ఆ సమయంలో జీవిత చాలా విషయాల్లో గొడవలు జరగకుండా ఆపే ప్రయత్నం చేశారు. శ్రీరెడ్డి ఇష్యూ జరిగినప్పుడు కూడా ఆమె మొదట స్పందించారు. మరి ఈ క్రమంలో జీవిత.. మంచు విష్ణు, ప్రకాష్ రాజ్ లకు ఎంతవరకు పోటీని ఇస్తుందో చూడాలి.