‘ఆర్.ఆర్.ఆర్’ కు ఎన్టీఆర్, చరణ్ ల రెమ్యూనరేషన్ ఎంతంటే?

దర్శకధీరుడు రాజమౌళి తెరకెక్కిస్తున్న ‘ఆర్.ఆర్.ఆర్’ చిత్రం షూటింగ్ శరవేగంగా జరుగుతుంది. చరణ్, ఎన్టీఆర్ లు ఈ చిత్రం కోసం చాలా కష్టపడుతున్నారు. ఇక ఈ చిత్రాన్ని 400 కోట్ల భారీ బడ్జెట్ తో డీవీవీ దానయ్య నిర్మిస్తున్నాడు. తెలుగుతో పాటు తమిళ, మలయాళ, హిందీ భాషల్లో ఏకకాలంలో విడుదల కాబోతుంది. 2020 జూలై 30 న ఈ చిత్రాన్ని విడుదల చేయబోతున్నట్టు చిత్ర యూనిట్ ఇదివరకే ప్రకటించింది. ఆ దిశగానే షూటింగ్ జరుగుతుంది.

ఇక ఈ చిత్రం కోసం స్టార్ హీరోలు అయిన చరణ్,ఎన్టీఆర్ లకు రెమ్యూనరేషన్ ఎంత ఇచ్చి ఉంటారు అనేది అందరిలోనూ మెదులుతున్న ప్రశ్న. అందుతున్న సమాచారం ప్రకారం ఎన్టీఆర్, చరణ్ లకు ఒక్కొక్కరికి 25 కోట్ల రెమ్యూనరేషన్ ఇచ్చారని తెలుస్తుంది. అంతేకాకుండా షూటింగ్ పాల్గొనే ప్రతీ రోజుకి ఒక్కొక్కరికీ 10 లక్షలు అదనంగా ఇస్తున్నారట. ఇక రాజమౌళికి ఎంత ఇచ్చి ఉంటారు అనేది కూడా అందరిలోనూ మెదులుతున్న ప్రశ్నే..! ఇక రాజమౌళికి లాభాల్లో వాటా ఇస్తారట. ‘బాహుబలి’ చిత్రానికి కూడా రాజమౌళి ఇలాగే లాభాల్లో వాటా తీసుకున్నాడు. దీంతో ‘ఆర్.ఆర్.ఆర్’ కు కూడా అదే విధంగా చేస్తున్నాడట. కాకపోతే అనుకున్న సమయానికి సినిమాని పూర్తి చేసి రిలీజ్ చేయడమే రాజమౌళికి పెద్ద టాస్క్ అట..! అయితే జక్కన్న కు షూటింగ్లో పాల్గొన్న ప్రతీ రోజుకి 20 నుండీ 25 లక్షల వరకూ అదనంగా తీసుకుంటున్నాడట.

విజిల్ సినిమా రివ్యూ & రేటింగ్!
30 ఏళ్ళు వచ్చినా పెళ్ళిచేసుకోని టాలీవుడ్ హీరోయిన్లు వీళ్ళే..!