ఎన్టీఆర్ కి ఈ ఏడాది కలిసి వస్తోంది. అతను నటించిన “నాన్నకు ప్రేమతో” సినిమా సంక్రాంతికి విడుదలై విజయం సాధించింది. ఇందులో ఎన్టీఆర్ క్లాస్ నటనతో ఆకట్టుకున్నాడు. ఈ చిత్రం లాభాలను తెచ్చి పెట్టింది. ప్రస్తుతం కొరటాల శివ దర్శకత్వంలో “జనతా గ్యారేజ్”లో నటిస్తున్నాడు. ఎన్టీఆర్ పుట్టినరోజు(మే 20) సందర్భంగా జనతా గ్యారేజ్ మూవీ ఫస్ట్ లుక్ ని గురువారం విడుదల చేశారు. ఈ పోస్టర్ షోషల్ మీడియా లో రికార్డ్ సృష్టించింది. అత్యధికంగా ఈ పోస్ట్ ను షేర్ చేశారు.
ట్విట్టర్ లో జనతా గ్యారేజ్ ఫస్ట్ లుక్ కి ఒక్క రోజులోనే ప్రపంచవ్యాప్తంగా 40,000 ట్వీట్స్ పోస్ట్ అయ్యాయి. ట్విట్టర్ లో ఫస్ట్ లుక్ కి ఇన్ని ట్వీట్స్ రావడం ఇదే తొలి సారి. ఈ రికార్డ్ కొత్త చిత్రం లో ఎన్టీఆర్ లుక్ సూపర్ గా ఉందని చెప్పకనే చెబుతుంది. ఇది జనతా గ్యారేజ్ ఫై అంచనాలను పెంచింది. ఈ సినిమాతో ఎన్టీఆర్ తన అకౌంట్లో మరో హిట్ ని వేసుకుంటాడని అభిమానులు పూర్తి నమ్మకంతో ఉన్నారు.
